کرزی، شریف وکامرون تینچلیک جریانی افغانستان تمانیدن باشقریلیشی نی تاکیدله دیلر

بوگون لندن ده میزبانلیک قیلگن بریتانیا باش وزیری دیوید کامرون اشتراکی بیلن پاکستان باش وزیری نواز شریف وافغانستان جمهور رئیسی حامد کرزی بیلن افغانستان ده تینچ لیک برقرارله نیش اوچون مذاکره بولیب اوتگن.

بریتانیا دولتی نینگ سوزچی لریدن بیری گه کوره بو ییغین ایسه باش وزیرنینگ دفتریده یولگه قوییلیب اوچله رهبر منطقه ده تینچلیک باره سیده صحبت قیلگن لر.

بواوچ مملکت رهبرلری تینچلیک جریانی اوچون بولیب اوته دیگن مذاکره لر افغانستان رهبرلیگی بیلن دوام ایتدیریلیشی گه تعهدلی ایکن ایکن لیگی ینه بیر تکرار ایتدیلر.

لندن ده یولگه قوییلگن بو ییغین دن سونگ اسلام دنیا سی نینگ اقتصادی ییغیلیشی باره سیده بولگن تفصیلات نشرایتیلمه گن. اما بوندن آلدین افغانستانده گی تینچلیک جریانی نی تامین لش اوچون پاکستان نینگ رولی وطالب لرنینگ یوقاری مرتبه لی رهبرلری ملا برادرتقدیری بو ییغین ده محاکمه ایتیله دیگن موضوع لردن عبارت بولگنی ایتیلگن ایدی.

کرزی جنابلری دایم پاکستاندن، طالب لرنینگ مهم اعضالری بومملکت قماقخانه لریدن آزاد ایتیلیشی نی طلب قیلیب کیلگن ایدی. بوندن مقصد اولر افغانستان دولتی بیلن طالب لرآره سیده گی مذاکره لرده کته رول اوینشلری بولگن.

کیلگوسی ییل نینگ اخیریگه خلق ارا کوچلر نینگ بو مملکتدن چیقیشی کوتیله یاتگن مهم بیر پله ده بوییغین اوتکزیلماقده، وشونینگ دیک کیلگوسی ییل نینگ حمل آییده جمهور رئیس لیک سیلاولری هم یولگه قوییلیشی ممکن.

خارجی لرنینگ افغانستاندن چیقیشی بیلن زوره وانلیک لرونابرقرارلیک لرنینگ بومملکتده سانی آشیب ومنطقه وضعیتی هم یامانلشتیره دیگن تشویش لر بیلدیریلماقده.

افغانستان دولتی قوراللی طالب لر پاکستان حمایتی بیلن بومملکت توپراغیده تعلیم آلیب همده کوچ خذمت گه آلیشی نی ادعا قیلیب کیلماقده .

باشقه تاماندن پاکستانلیک عصیانچی لرافغانستان نینگ شرقی حدودلری ده کینگ کولم ده فعالیت قیله یاتگن لری ادعا قیلینماقده.

افغانستان رسمی لری طالب لرنینگ تینچلیک اوچون مذاکره لرگه حاضر قیلیش گه پاکستان نینگ رولی کته ایکن لیگی نی معلوم قیلماقده لر. پاکستان ایسه جنگری طالب لر بیلن علاقه ده ایکنی نی تن آلیب اما اولرنینگ رهبرلیگی توغریدن- توغری نظارتیده بولمه گن.