اوزبيكستان اسلامي حركتي ايكي اعضاسي كابلده قولگه آلينگن

اسلامي خلافت ني تيكلش ني كوزله گن اوزبيكستان اسلام حركتي، منطقه مملكتلري وامريكا تمانيدن تيرورچيليك تشكيلاتلر رويخطيگه آلينگن.

افغانستان ملي خوفسيزليك اداره سي، اوزبيكستان اسلام حركتي اعضاسي بولگن ايكي نفر افغانستانليك ني كابل شهريده حبسگه آلگني ني اعلان ايتگن.

افغانستان ميلي خوفسيزليك اداره سي تمانيدن نشر ايتيلگن خبرنامه ده كيليتريليشيچه، حبسگه آلينگن لرنينگ اسملري فهيم وعبادالله بوليب، بيري ميدان وردك نينگ نرخ تومني يشووچيسي و باشقه سي ايسه پروان ولايتي كوه صافي تومنيدن بولگن.

مذكور خبرنامه ده، اوزبيكستان اسلام حركتي بو ايكي اعضاسي كابل شهري نينگ بيشينچي ناحيه سيده قولگه آلينگن.

ملي خوفسيزليگ اداره سي قولگه آلينگنلر باشلنغيچ تحقيقاتده ناقانوني ايشلرگه قول اوريش مقصديده ايكنليكلريني اعتراف ايتگني ني معلوم قيلگن. اداره گه كوره، اولر اوزبيكستان حركتي فعال اعضاسي هجرت الله اسملي شخص تمانيدن قبول قيلينگني ني ايتيب، پاكستان نينگ ميرانشاه منطقه سيده 40 كون ايچيده تيرورچيليك بوييچه تعليم كوريشگن.

ملي خوفسيزليك نينگ تاكيدلشيچه، مذكور شخصلر اوزبيكستان اسلام حركتي كابلده گي ملي صفتيده بير مدت وظيفه بجرگن.

بو اداره گه كوره، مذكور ايكله شخص بدخشان نينگ وردوج تومنيده بوزمه كارليك و اوروش فعاليتلريني بجريشگن.

ايتيليشيچه، مذكور ايكله شخص پاكستان وافغانستان نينگ چيگره حدودلري همده افغانستان شماليده طالبان والقاعده گروه لري بيلن علاقه ده بولگن.