افغانستان ملي خوفسيزليك اداره سي: پكتيكا ولايتي ده جلاد طالبلر قولگه آليندي

Image caption شریف خان

افغانستان ملي خوفسيزليك اداره سي نينگ ايتيشيچه، پكتيكا ولايتيده بيرگروه خودكش "جلاد" طالبان قولگه آلينگن.

مذكور شخص نينگ اسمي شريف خان بوليب، افغانستان جنوب شرقيده جايلشگن پكتيكا ولايتي شهرستان تومني نينگ خيبر قيشلاغيده قولگه آلينگن، همده اونگه قوييلگن عيبلاوني"اعتراف" ايتگن.

ملي خوفسيزليك اداره سي نينگ مطبوعات لرگه خبربيريشيچه، شريف خان طالبان گروهي نينگ ملاعبدالرحمن چوني فرمانيگه بنأ، بير پليس ماموريني پچاق بيلن باشيني كيسگن.

ملي خوفسيزليك اداره سي بيرگن خبريگه كوره، بوطالبان گروهي نينگ اعضاسي يوسف خيل تومني نينگ نيچه خودكش ليك هجومي ني تشكيل لنتيرگن.

اطلاعيه ده شريف خان گه اساسلنيب، طالبان گروهي نينگ اعضالريدن بيري ملاعبدالرحمان ومولوي مدني گودك لرگه همده خودكش ماين اورنه تووچيلرگه جنسي زوروانليك ني بجريب ديلر.

ملي خوفسيزليك اداره سي مطبوعات لرگه يوبارگن ويديولوحه ده، شريف خان پليس ماموري نينگ قتل ايتگنليكده "اعتراف" ايتيب، قولي باغلنگن حالده، اولديرگن.

او گودك لرگه طالبان گروهي نينگ ايككي اعضاسي جنسي زوروانليك ني انجام بيرگنلر.

ويديو لوحه ده شريف خان ظاهرأ تينچ كورينه دي، ليكن حاضرگچه مشخص بولمه گن، اوقيسي شرايط بيلن "اعتراف لرني" قيليشني تيلگه آلگن.

بوندن آلدين طالبان گروهي نينگ اعضالريدن باشقه بيري هراتده قولگه آلينگن ايدي، شونگه اوخشه گن طالبان گروهي نينگ حكمدارلري ياش خودكش چيلرگه جنسي زوروانليك عملي ني انجام بيره ديلر.

طالبان گروهي اونينگ اعتراف لريني رد ايتگن.