افغانستانده استراليانينگ 400عسكري قاليشي كوتيله دي

Image caption جان فيليپ: استراليا 2014 ييلدن كيين افغانستان ني تشله مه يدي.

افغانستانده استراليا سفيري جان فيليپ ، افغانستانده 2014 ييل نينگ آخريگچه 400 عسكرقاليشيني ايتدي.

اوبي بي سي مخبري نينگ سوال گه جواب يازيشيچه، بوكوچلرملي قوماندانلرنينگ تربيه لشده مسولي بوليب، همده قندهارولايتي 205 اتل فرقه سي نينگ كوچلريگه ياردم له شه ديلر.

بوكوچلردن 100 ته سي كابلده آيساف كوچلريگه قوشيله ديلر.

فيليپ جنابلري نينگ ايتيشچه، استراليا افغانستان ملي كوچلريگه ياردم لشيب، كابلده 18 استراليا قوماندانلري، مدافعه وزيرليگي همده ايچكي ايشلروزيرليگي گه مصلحت بيريش اوچون تعيين لنه دي.

فيليپ جنابلري نينگ ايتيشيگه كوره، استراليا افغانستان نينگ خوفسيزليك ني تامين لشده، همده منظم حكومت ني برقرارايتيشده ياردملشيب، استراليا2014 ييلدن كيين مسوليت لرني انتقال بيريش اوچون افغان خوفسيزليك كوچلريگه ياردم بيريشيني تاكيدله دي.

اونگه كوره، استراليا افغانستان نينگ 2014 ييلدن كيين يكه قويمه يدي، ليكن افغانلركيله جگلري اوچون اوزلري تصميم آليشلري كيره ك دييدي.

فيليپ جنابلريگه كوره، 2012 ييلده افغانستان واستراليا اوزاق مدتلي هرايككي تمانلمه ياردم بيريش كيليشونامه سيني امضالشگن. اونينگ ايتيشيچه، بوكيليشونامه ايككي مملكت اورته سيده گي بولگن همكارليك دير. شونينگديك استراليا مملكتي ارزگان ولايتي همده بوتون افغانستان بوييچه ياردم بيريشيني ايتگن.

افغانستانده بيرمينگ دن آرتيق استرالياكوچلري موجود، اوتگن ييللرده افغانستان جنوبي ولايتي بولگن ارزگان ده جايلشگن ايدي. بوكوچلرجاري ييل نينگ آخريگچه بوولايت ني ترك ايتيشي ايتيلگن.

بوندن نيچه وقت آلدين استراليا بيرينچي وزيري، ارزگان ولايتي گه قيلگن سفريده، بومملكت2013 ييل نينگ آخريگچه اوزكوچلريني افغانستاندن چيقاريشيني اعلان ايتگن ايدي.

اوتگن ييللر افغانستانده استراليا كوچلريدن 40 ته سي هلاك بولگنلر.