قندوز ده پوليس بير هجومچي ني آتيب اولديردي

قندوز پوليس قوماندانليگي محلي قوماندانلردن بيري نينگ توي مراسميده اوزيني پارتلتماقچي بولگن بیر نفر خودكش هجومچيني نابود ايتگن.

قندوز پوليس اداره سي سوزچيسي سروري نينگ بي بي سي گه ايتيشيچه، بيليگه ماين باغلب آلگن خودكش هجومچي ارچي تومنيده محلي قوماندان نينگ اوكه سي نينگ توي مراسميده پارتلتماقچي بولگن.

حسيني گه كوره، بو حادثه ده بير پوليس مآموري يره لنگن.

قندوز ولايتي افغانستان نينگ شماليده ناتينچ ولايت بولگن. جنگري گروه لر جمله دن طالبان و اسلامي حزب فعاليت قيله دي.

قندوز پوليسي نينگ ايتيشيچه، حكتيار اكه سي نينگ اوغلي اوز موتريده بير تينچ اهاليني آتيب اولديرگن.

بوندن تورت كون آلدين قندوز پوليسي صلح اداره سي رييسي اسدالله عمرخيل ني اولديرماقچي بولگن بير شخص ني آلگه آلگني دن خبر بيرگن ايدي.

پوليسگه كوره، مذكور شخص يقين ده پاكستان دن قيتگن ايدي.

باشقه تماندن، قندوز پوليسي تورت كون آلدين حكمتيار اكه سي نينگ اوغلي صلاح الدين حكمتيارني ايكي شخص ني اولديرگنليك و ناموسي تجاوزده عيبلب، قولگه آلگن.