تاج محمد ايلسيور: اوزلیگینی بیلمه گن انسان، بیلینگ انسان ایمس

محمدنعیم اوغلی تاج محمد ایلسیور1365 ییل فاریاب ولایتی نينگ خواجه سبزپوش ولسواللیگیگه قره شلی غذاری قیشلاغیده دنیا گه کیلگن. باشلنغیچ تعلیماتینی اوشه ییرده بیتيریب، طالبان حاكميتي دوريده مکتب لرده عصری تدريس قيلينيشي توسيلگني سبب، ایل سیورخصوصی تعلیم آلیشگه یوز کیلتیریب(صرف، نحو، عقاید و فقه نینگ) باشلنغیچ کتابلری نی اؤقیب اورگندی.

مذکور تیزیم حاكميتي اغده ریلگنيدن سونگ، دینی بيليملر نی آلدیندن اؤقیب اؤرگنگنی اؤچون، ابومسلم خراسانی مدرسه سی (حاضرگی میمنه داالعلومیده) اؤرته تعلیماتینی توگه تیب، کیین اؤزی اؤنیب اؤسگن یورتی خواجه سبزپوش ولسواللیگی نینگ ده نو لیسه سیده اوقيشگه كيردي. او مكتب ني 1385 ییلده بیتيریبف کانکور سیناویده اشتراك ايتدي و موفقیت لیک بیلن فاریاب بيليم يورتي نينگ تيل و ادبياتي بوييچه تحصيل ني دوام ايتديردي.

ایلسیورجنابلری 1388 ییلده بيليم يورت ني عالی درجه ده بتيريب، تحصیل چاغیده هم فارس و اؤزبیک تیلیده شعر یازیشگه باشله دي. او نقاشلیک وخطاط لیک هنرینی هم اؤگنیب تورلی خط لرنی چیرایلی قیلیب یازیشگه مهارت تاپیب، تجسم احساس نامیده گي فاریاب اخبارات و مدنيت اداره سيده یولگه قوییلگن کورگزمه ده اونينگ چيزمه اثرلري نمايش ايتيلدي.

شونينگ ديك، او فاریاب ییگیت لری آره سیده یولگه تشلنگن شعری مسابقه ده هم اؤچینچی اؤریننی ایگلله گن. ایلسیور جنابلری كيينگي ييللر بیرنیچه مدت بلخ ولایتی ده گي مولانا عنبر مدني بنيادي آیلیگی نینگ باش مدیری صفتیده ایش بجرگن. اوندن كيين خواجه سبزپوش تومنیگه قيتيب، معلم تربیه لش حمایوی مرکزیده استاد صفیده ایش بجریب، اونینگ یانیده میمنه نینگ شهری ایریم تومنلریده نشرات بیره دیگن تمنا رادویوسیگه هم بیرییل دن کوپراق اؤزبیکی برنامه لر واؤزبیکی خبرلر مسؤلی صفتیده ایش بجريب كيلگن.

ایلسیور (غزل، رباعی، مثنوی، مخمس، چارپاره، دوبیتی و ینگی شکللرده شعر یازه دی.اونينگ شعرلریدن نمونه:

اوزلیگینی بیلمه گن انسان، بیلینگ انسان ایمس

ایل- اولوس قیغوسیدن، اورتنمه گن جان، جان ایمس

اویله‌ سه انسان انیق بوتنده گی قانی اگر

ننگ ایله غیرت اوچون جوش اورمسه اول قان ایمس

تورلی گللر ایسته سنگ باغ ایله بوستاننی قیدیر

درحقیقت نیچه گل بولگن اورین بوستان ایمس

تیل ایله فرهنگ ایرور تورلی ایلتلر بیلگی سی

ایککی سین ساتگن کیشی نی بیلکه با ایمان ایمس

تیل تاشینی کوسیگه اورگن کیشی لر اوییده

اوزگه تیلده سوزله سه بیلگنکه با وجدان ایمس

ایلسیور جانینگنی قربان قیل تیل و دینینگ اوچون

باشقه یولده بولسه قربان اصلیده قربان ایمس

محبت ايله گين

بیرمحبت ایله گین یاریم اوله‌ی

مینگه بیرباق نازلی دلداریم اوله‌ی

کیل قره کونگلیمنی بوزمه مونچه هم

سینگه مین آهویی تاتاریم اوله‌ی

***

سرو نازیم باغینگه باغ بان بوله‌ی

یاکه ییرو ملکینگه دهقان بوله‌ی

اوشبوسوزیم قیلمه رد قیلگین قبول

ای قویاشیم سینگه مین قربان بوله‌ی

***

اوزگه بیرله کیتمه زیبا دلبریم

سین ایرورسن یاوریم، تاج سریم

تا تیریک من سینگه بولگه‌یمن غلام

نازه قیلمه ای بهالی گوهریم

***

آه! اوله‌ی قنچه شیرین دیر سوزلری

آوله دی کونگیل نی شهلا کوزلری

نازنینیم بیلمه دیم قیردن بولر

بیزگه ایتسین گوزه‌لیم نینگ اوزلری

***

دلبریم عشقینگده کوییب – یانه من

سین ایرورسن شمع، مین پروانه من

مست بولیب عشقینگده، ایسیم قالمه دی

عقل و هوشدن دلبریم بیگانه من

***

عاشقینگه بیرمه گین یاریم عذاب

بینوا یارینگه دلداریم عذاب

وصل اوچون کورسم عذاب مین قنچه لر

قنچه آغیر بولسه هم فاریم، عذاب

***

گل گینه‌ام گل دیک آچیلیب گل بولر

ایلکه سیده ساچلری سنبل بولر

عندلب قورگی نوا گل عشقیدن

گل نی سیوگن ایلسیور بلبل بولر

***

-------------------------

ای صنم! کونگلیم بوزیب کیلگن زمانیم ییغله‌مه

عاشق بیچاره نی کیپریک ایله سین تیغله‌مه

مینگ امید و آرزو بیرله سیوینیب مین اگر

کورگه‌نی کیلسم گوزه‌ل دوداغ بوریب اچچیغله‌مه

بوموسیچه حالیگه رحم ایله ایندی نازنین

اوستیگه کیلیب مونینگ قیرغی کبی قی- قیغله‌مه

بوقلندر- تیلبه نی قیناوولر آستیده آلیب

کونگلینی یاریب ینه اوستیگه سین نیغ- نیغله‌مه

1389- ییل 12/26 سی پنجشنبه کیچه سی

مزارشریف مولاناعنبر فرهنگی بنیادی

--------------------------------

کیلمه دی چیرایلی قیز بیرقتله حالیمنی سوره‌ب

تون و کون یاش آقه دی ایککی کوزیمدن مولدیره‌ب

باغ ارا گل خیمچه دیک، قیلگی نزاکت لر گلیم

قپقرا سنبل کبی او ساچ و زلفینی تره‌ب

سیوگیلی گلزار ارا کیلگنده باقمس مهر ایله

شو اوچون بوغزی تولیب عاشیقی ییغلر چیرقیره‌ب

باشقه پیت کوریشگه که امکانی یوق دیر هیچ قچان

کوچه دن اوتگینیچه کورسم نگاریمنی مره‌ب

مینگ امید بیرله کوره‌ر من دیب توسیب تورگن ایدیم

شونچه قیلدیم قویمه دی کورگه نی، قرسی هیلپیره‌ب

ایرته سی اوتگینیچه کوردیم جمالینی، مگر

محو بولدیم کورگه نیمده قالدی جانیم قلتیره‌ب