اسلامی حزب اوز وکیللرینی لویه جرگه گه اشتراک ایتیشی نی رد ایتدی

گبلدالدین حکمتیار رهبرلیگی آستیده بولگن اسلامی حزب کابلده کیلگوسی هفته لرده بولیب اوتیشی کوتیله یاتگن لویه جرگه گه حصه قوشمسلیگی نی معلوم قیلگن.

لویه جرگه اوتکزیلیشی بوییچه کمیسیونی نینگ کاتبی صادق مدبر اوتگن کونی بو حزب نینگ بیرگروه هیاتی افغانستان جمهور رئیسی بیلن اوچره شیب اوز وکیللری لویه جرگه ده اشتراک ایتیش اوچون رویخطی نی حواله ایتگن لری نی معلوم قیلگن ایدی.

مصلحتی جرگه 30عقربده 2500کیشی اشتراک ی بیلن یولگه قوییله دی، وبوندن مقصد امریکا بیلن افغانستان آره سیده امنیتی کیلیشیووحقیده مصلحت قیلینیشی بولگن.

اسلامی حزب سوزچی لریدن زبیر صدیقی بی بی سیگه اشتراک ایتیش لری ممکن ایمس لیگی نی بیلدیردی.

صدیقی جنابلری بوکبی ییغین لرگه قرشی بولگن لرینی بیلدیریب لویه جرگه ده آدم لر دایم سیلنمی بلکی تنله نیش اساسیده اشتراک ایتیش لری نی معلوم قیلدی.

اسلامی حزب نینگ بو اعضاسی امریکا حربی لری وناتونینگ افغانستان ده تورری نی قبول قیلمسلیک لرینی ایتدی.

شونینگ دیک اوبو حزب اعضالری دعوت ایتیلگن لرینی ایته دی، بیراق بو حزب بوجرگه ده اشتراک ایتیش نی ایسته مه یدی.

مدبرجنابلری اسلامی حزب حکومت اختیاریگه اوز وکیللری رویخطی نی مصلحتی لویه جرگه حصه قوشیش اوچون قویگن لیگی نی ایتگن ایدی. بیراق اسلامی حزب سوزچیسی نینگ اورین باسری حکومت گه هیچ قنده ی رویخط تاپشیریلمه گنی نی تیل گه آلگن.

اسلامی حزب اولدن امریکا نینگ افغانستانده حضوری ده قرشی بولیب کیلگن وزبیر صدیقی امریکا حربی لری نینگ بو مملکتده توریشی جنگ نینگ دوام ایتیش معناسیده بولگنی نی تاکیدقیلگن.

اسلامی حزب دولت گه قرشی بولگن قوراللی گروه لردن بیری بو حزب اعضالری اوتگن 12ییلده خلق ارا وافغان کوچلری گه قرشی اورشیب کیلگن.