جوزجان ـ مزار يولي ده 3 کیشی هلاک بولدی

شبرغان مزارشریف شاه یولیده یوزبیرگن ایککی عليحده ترافیکی حادثه سببلی 3 کیشی اولیب 9 کیشی یره لنگن، هلاک بولگنلر آره سیده عیاللر هم موجودلیگی ايتيلگن.

جوزجان امنیه قوماندانلیگی نینگ اوپراسیون آمری عبدالمنان رووفی، بيرينچي حادثه بوگون ایرته لب شبرغان شهری دن نیچه چقیریم اوزاقلیکده جايلشگن شور اریغ منطقه سیده بير تونس رسوملي موتر باشقه بیر مسافر تشووچی موتر بیلن توقنشگنلیگی بير پيتده يوز بيرگن. مذكور حادثه ده مسافرتاشووچی موترنینگ هیدووچی سی و بیر مسافر اولیب باشقه 7 کیشی یره لنگن.

باشقه بير خبرگه كوره، مزارشریف تمانيدن شبرغانگه تمان باره ياتگن بير مسافر تشووچی موتر یولدن چیقیب، اغده ريليب، تیکشیریش پولیس خادمی نی هلاک ایتیب، باشقه ایککی مسافرنی یره لنیشیگه سبب بولگن.

رووفی جنابلری حادثه نی تصديقلب، حادثه هیداوچی نینگ دقت سیزلیگیدن كيليب چيققني بیان ایتگن.

جوزجان ساغليق ني سقلش اداره سي نینگ جراحی بولیم آمری داکتر محمد ابراهیم خلیق، حادثه محلي دن یره لنگن 9 کیشی کسل خانه گه آلیب كيلينگن بولیب،اولر آره سیده 3 عیال هم موجود لیگی نی بیان ایته دی، لیکن ساغلیک وضعیت لری یخشی ایکن لیگی نی معلوم قيلگن.

مذكور حادثه لرده پولیس خادملري مسافر تشووچی موترلرهیداوچیلرينی عیبدار بيليب، اولرني حبسگه آلگن.

بوندن بیر ییل مقدم مذکور منطقه ده 303 ناملی مسافر تشووچی موتر بیر يانيلغي تشووچي موتر بيلن توقنشگني عاقبتيده 7 کیشی اولیب 30 دن آرتیق کیشی یره لنگن ایدی.