لويه جرگه اوتكزيله ديگن محل يقينيده پارتلش يوز بيردي

پارتلش كوچلي بولگن، مصلحت لويه جرگه اوتكزيله ديگن پولي تخنيك ني لرزگه سالگن.

پارتلش اساسآ، برهان الدين رباني تعليم وتربيه بيليم يورتي آلديده يوز بيرگن، تلفات هم يوزه گه چيققن، دييدي پوليس سوزچيسي حشمت الله استانكزي.

تلفات ساني انيق ايمس، مگم حادثه خودكش هجوم بولگنيني تاكيدله دي.

برهان الدين تعليم وتربيه بيليم يورتي جرگه اوتكزيله ديگن پولي تخنيك دن بير كيلومتر اوزاق ده جايلشگن.

جرگه کیله سی پنجشنبه ده 2500 دن آرتیق کیشی اشتراكيده اوتكزيليشي كوتيله دي. پوليس جرگه محلي ني بير نيچه كوندن بيري قمره ب آلگن، اوتيب توره ديگن آدملر قتيق نظارت ايتيله دي.

لويه جرگه گه امريكا بيلن خوفسيزليك كيليشوو امضالنيشي اوچون طالبان گروه قرشي چيققن.

خوفسيزليك كيليشوونامه امضالنيشي بيلن، امريكا 2014 ييلدن كيين، امريكا افغانستانده حضوريني دوام ايتديريشي ممكن.