سوز سیزگه رکنی: امریکا بیلن امنیتی کیلیشوودن کیمگه فایده؟

Мултимедиа ўйнаш бу қурилмада дастакланмайди

بو هفته لیک برنامه میز کابل ده ایش باشله گن بیش کونلیک مشورتی لویه جرگه و اونده محاکمه گه قوییلگن امریکا بیلن امنیتی کیلیشو بغیشلندی. اوشبو پیمان میلادی ٢٠١٤ ییلدن کیین اکثریت امریکا حربی لریدن عبارت ١٥ مینگگه یقین خلق آرا کوچلر نینگ افغانستانده قالیش شرط-شرایط لرینی بیلگیلب بیره دی. جرگه وکیللری قرشسیده چیقیش قیلرکن، جمهور رئیس حامد کرزی اولرنی امریکا بیلن امنیتی کیلشوو اوزلری اوچون هر تمانلمه مهم ایکنیگه ایشانتیریشگه اورینگن، اما آره لریده اوزآرا ایشانچ دییر یوق ایکنینی هم تاکیدلب اوتگن. جرگه نینگ آچیلیش مراسیمیده سوزلرگن، افغان رهبری امریکا بیلن امنیتی کیلشوو خصوصیده منطقه ده گی اساسی ییریک اویینچی دولتلر روسیه، هندوستان و چین نی هم دستگینی قولگه کیرتگنی، اولرنینگ اوشبو شرطنامه گه قرشی ایمسلیکلرینی هم بیان قیلگن. افغانستان کیلجگی اوچون مهم دیب قرلگن اوشبو کیلیشوو ایککی اورته ده اوزاق محاکمه لرگه سبب بولگن و اونینگ اینگ مهم بندلری یوزه سیدن تمانلر جرگه گه بار یاغی بیر نیچه ساعت قالگن بیر منظره بیریکونی توختمگه کیلیشگندی.

اوشبو کیلیشووگه موافق افغانستان زمینیده قاله جک امریکا حربیلری تونگی هجوملر اویوشتیریش حقوقینی سقلب قالیشده و جنائی دخل سیزلیک مقامیگه ایگه بولیشه دی. بو ایسه، کینگ دایره لرده افغان حکومتی نینگ یان بیریشی صفتیده کورلماقده. بیز بولرنینگ برچه سی منظره سیده" سوز سیزگه" برنامه میزده جرگه وکیللری نینگ اوزلری، اونی بایکات قیلگن سیاستچی لر و عادی افغان مردمی نینگ بو خصوصیده گی فکرلریگه قولاق توتدیک.برنامه نی تینگلش اوچون پلیرنی اوینینگ.