مصلحتی لویه جرگه : امنیتی پیمان کیله جک بیرآیده امضالنسین

مصلحتی لویه جرگه افغانستان وامریکا اره سیده گی امنیت پیمان لایحه سینی تصدیق له دی، شونینگ دیک جرگه اشتراک چیلری جاری میلادی ییل اداغیگچه پیمان امضاله نیشینی جمهوررییس کرزیدن طلب قیلدی.

31 بند دن عبارت بولگن لویه جرگه قطع نامه سی جرگه اورین باسرلری تمانیدن کرزی حضوریده اوقیلدی.

- مصلحتی لویه جرگه اعضالری، اکثریت آواز بیلن امنیتی پیماننی تصدیق له دی.

- امریکا عسکلر لری امریکامحکمه سیده امکانگه قدر افغانستان ایچکریسده محاکمه بولسین.بیراق امریکا لیک لرنینگ افغانستان ایچکریسیده قماقخانه ایجاد ایتیشیگه حقی یوق.

- افغانستان تشقی سیاستی افغانستان نینگ ملی منفعتی گه ماس بولیب، افغانستان توپراغیدن باشقه بیر مملکت گه قرشی سوی استعمال قیلیشی اوچون امریکا کوچلریگه ایزین بیریلمیدی.

- لویه جرگه امریکا یاردمی بیلن صلح جریانی نی مستحکم لشگه تاکیدقیلدی.

- امریکا بیرگن وعده لریگه توخته مه گونگه قدر اولراختیاریده قوییلگن امکانیت لرقیته ریلیب آلینه دی.

- امنیتی پیمان جاری ییل نینگ اخرلریگه قدر امضاله نیشی لازم.

قطعنامه اوقیلگندن کیین جمهوررییس حامدکرزی امنیتی کیلشووبیتمی، امنیت وصلح کیلتیریش اوچون فایده لی بولیشی خصوصیده عملده جاری ایتیش زمینه لری نظرده توتیلیشی کیره ک لیگینی تیلگه آلدی.

شونینگدیک کرزی جنابلری امنیتی پیمان افغانستانده تینچلیک و برقرارلیک اوچون فایده لی بولمسه قبول قیلمسلیگینی ایتدی.

همده حامدکرزی شوندی دیدی:" اگر ینه بیربار امریکالیک لر افغانلر اویگه هجوم اویوشتیرسه لر امنیتی پیمان یوق، امریکا لیک اوز قرارگاه لریده اولتیرسینلر. بوگون دن باشلب اویلرنی قیدیریش جریانی توخته تیلدی افغانستان خقلی آزاد. سیز ( جرگه اشتراک چیلری ) مین دن بیر آی گه قدر پیمان امضاله نیشینی طلب قیلدیز بیرایده امنیت وصلح تامینله نیشی ممکن می ؟ اگر شوندی بولمه سه مسوول کیم؟ طبیعی کی مسوول مین من."

کرزی ومجددی آره سیده لفظی تارتشوو

مصلحتی لویه جرگه رییسی صبغت الله مجددی، سوزلریگه نسبتا شوندی دیدی:" لویه جرگه قراری شوکی جمهورریس کرزی تیز آره ده امنیتی پیماننی امضاله سین، کرزی جنابلری بو پیماننی امضاله مه سه مین استعفاگه چیقیب وطننی ترک ایتیشیم ممکن، چونکی می نینگ سوزلریمگه هیچ کیم اعتبار بیرمیدی."

مجددی سوزلری جریانیده جمهوررییس کرزی ینه بیربار امریکالیکلر اویلرنی قیدیریشگه حقی یوق قبول قیلمی میزدیب تکرار قیلدی.مجددی جنابلری اگرده امریکالیک لرخطالرگه یول قوییسه مردم نینگ کینگ ناراضی لیگی بیلن یوزمه یوز بولیشی ممکن لیگینی ایتدی، بیراق کرزی "ناراضیلیک نمایش ایمس" اگر مردم اویلریگه هجوم بولسه امنیتی کیلشوو بیتیم بیکار قیلینیشی بیلن آگاه لنتیردی." بومسله نیچه بار کرزی و مجددی اره سیده تکرار بولدی.

امریکا لیک مقاملر نیچه آیدن بیری امنیتی پیماننی تیز آره ده امضاله نیشی کیره ک لیگینی تاکیدقیلیب کیلماقده.

Бу мавзуда батафсилроқ