مصلحتی لویه جرگه نینگ نهای کونی

بي بي سي قولگه كيريتگن خبرلرگه كوره، 50 كميته دن 46 كميته سي ميلادي 2013 جاري ييل نينگ اداغيگچه كيليشوونامه امضالنيشيني سوره گن و باشقه 4 كميته كيليشوونامه اوز وقتيده امضالنيشيگه طرفدار بولگن.

. مصلحتي جرگه نينگ اون ايكينچي كميته سي: باراك اوباما نينگ مكتوبي كيليشوونامه گه قوشيليشي كيره ك.

. بيشينچي كميته: امريكا حربي قرارگاه لريده ياشي 18 گه بولگن باله وقيزلر وظيفه دار قيلينمه سين.

. اون آلتينچي كميته: افغانلرگه ييته ديگن خساره خلق ارا معيارلريگه مطابق تاوان توله نيشي كيره ك. كيليشوونامه بير هفته ايچيده اولوسي جرگه گه تاپشيريلسين.

. اون بيشينچي كميته: امريكاليك لر تمانيدن ضررلنه ديگن شخصلر امريكاليك محكمه لرده امريكا خره جتي بيلن حاضر قيلينيشي كيره ك.

. اون اوچينچي كميته: جمهور رييس كيليشوونامه ني اوتيز كون ايچيده امضالب، قانوني باسقيچلريني بيتكزيشي كيره ك.

. اونينچي كميته: امريكاليك عسكرلرافغانستان ايچكريسيده محكمه ايتيلسين.

. سكيزينچي كميته: امريكاليكلرگه قضايي صلاحيتلر بيريلمه سين و قضيه لر ايكله مملكت نماينده لري تمانيدن حل ايتيلسين.

. بيرينچي ايش كميته سي: امريكانينگ افغانستانده گي خادملري ساليق تولشي كيره ك. بو كيليشوونامه امضالنيشي اوچون تيز چاره تدبير كوريب چيقيلسين.

.توقيزينچي كميته: افغانستان گه تجاوز قيلينگن حالده، امريكا افغانستان ني مدافعه قيليشگه مكلف.

. اوچينيچي كميته: امريكاليكلر افغانستانده ديني فعاليت عملگه آشيرمه سين. اوز تآسيساتلريدن ماليه توله سين. كيليشوونامه سيلاولردن آلدين امضالنسين.

كميته لر رييسلريگه ايكي كونليك بحثلري نتيجه سيني اعلان قيليشگه اوچ دقيقه وقت بيريلگن.

32 – کمیته : اون اوچینچی بنده ،محکمه افغانستان ایچکریسده برپا ایتیلیشی کیرتیلسین.

31- کمیته : امریکا لیک عسکرلرنینگ جزاگه تارتیلیشی افغانستانده ایجاد ایتیله دیگن امریکالیک لر قرارگاهیدن بیریده برپا ایتیلسین

28 – کمیته : امنیتی پیمان نینگ اوزگرتیریشگه امکانیت موجود، 13- بند خصوصیده قینچلیک پیدا بولگن حالده، بو بندنی اوزگرتیریش اوچون حرکت بولسین.

27- کمیته : امریکا لیک لرنینگ محکمه گه تارتیلیش جریانی نی نظارت قیلیش اوچون افغانستان تمانیدن بیر نظارتچی حضوری بولیشی کیره ک.

26 – کمیته : امریکالیکلرنینگ افغانستانده فقط تورت حربی قرارگاهی بولسین.

25- کمیته : لویه جرگه رییسلری پیمان نینگ اون اوچینچی بندی ، یعنی امریکا لیک لرنینگ جزاگه تارتیلیشی باره سیده قرار آلسینلر .

24- کمیته : امنیتی پیمان امضاله نیشی نی کیچیکتیریلیشی اوچون هیچ قندی دلیل یوق، میلادی 2013 ییل اداغیگه یتمی امضالنسین.

23- کمیته : امریکالیک لرتمانیدن افغانلر اویلریده عملیات یولگه قویلمه سین ، افغان وطنداشلری اولرتمانیدن توتقینگه آلینمه سین. گوانتاموده گی 19 افغان محبوسی تیزلیک بیلن قوییب یوباریلسین.

22- کمیته : امنیتی پیماننی دری و پشتو ترجمه لری انگلیس متنی بیلن ماس ایمس، القاعده و القاعده گه تیگیشلی گروه لر باره سیده تولیق معلومات بیریلسین.

21- کمیته : امریکا، تیلفونی علاقه لر نینگ تینگلش و الکترونیکی مکتوب لرنینگ تیکشریشگه حقی یوق.

19 – کمیته : اوچینچی کمیته دیرکه بامیان ولایتیده هم بیر حربی قرارگاه ایجاد ایتیلیشینی تکلیف قیلدی.

42- كميته: كيليشوونامه گه اخلاقي جنبه بيرگن اصلاحات ده اوزگريش كيلتيريليشي كيره ك. چونكه اون ييل آز مدت دير.

43 - کمیته: امريكاليكلر بو يكليشوونامه نينگ عملگه جاري قيلينيشي ده افغانستان ديني قديريتلريني نظرده توتيشي كيره ك.

41 - كميته: افغانستان خوفسيزليك كوچلري ني ناتو معيارلريگه ماس تير آره ده جهازلنتيريش و تيارگرليك دن اوتكزيشي كيره ك.

39- كميته: افغانستان فقرالريني حبسگه آليشده امريكاليكلردن اعبتارلي حجت سوره ليشي كيره ك.حاضرگي هواميدانلري امريكاليكلر اختياريگه بيريلمه ي، بلكه امريكاليكلر اوزلري ينگي هوا ميدانلرني قوريشي لازم.

38- كميته: بو حجت پيمان ايمس بلكه معاهده گه كوته ريليشي و اونينگ تيزده امضالنيشي كيره ك.

37- كميته: امريكاليك عسكرلرنينگ قضايي محكمه لري افغانستانده ضررلنگنلرنينگ عايله اعضالري حضوريده عملگه آشيريليشي كيره ك. جنايتچيلر هيچگاهي امريكا تمانيدن عفو قيلينمه يدي. حربي قرارگاه لر قوشني ممكتلرنينگ تشويشيگه سبب بولمسليگي كيره ك.