فاریاب ولایتی نینگ المار تومنیده یوزلب عایله اوروش سبب اوی لرینی ترک ایتیشگنلر.

فاریاب ولایتی گه قرشلی المار تومنی نینگ یشاوچی لریدن 600عایله اویلرینی ترک ایتشگن لر.

محلی رسمی لرگه کوره بو تومن نینگ بخاری قلعه قیشلاقیده طالب لربیلن دولت آره سیده یوزبیرگن توقنه شووده 600 عایله اوی جایلریدن ایریلیشلریدن باشقه 10قوراللی هم هلاک ایتیلگن. یوزبیرگن بو اوروش طالبان گروهی بیلن دولت کوچلری اورته سیده ایکی کوندن بویان دوام ایتماقده.

ایتیلیشیچه بوعایله لر اوی لرینی ترک ایتیب میمنه شهری والمار مرکزیگه باریشگه مجبوربولگن لر.

دولت کوچلری مذکورمنطقه ده ییریک حربی عملیات نی یولگه تشلب طالبان گروهی نینگ منطقه دن چیقارگن لیک لرینی ایته دی.

اویی لریدن چیقیب کیتش گه مجبورایتیلگن شخص لرگه هیچ قندی کمک بولمه گن لیگی ایتیله دی.

المار تومنی نینگ حاکمی محمد صالح منشی مذکورتومن نینگ بخاری قلعه قیشلاغیده طالبان گروهی هجوم قیلیب کیرگن دن سونگ دولت تمانیدن عملیات یولگه تشله نیب، اوروش لرنتیجه سیده 600 عایله اوزاویلرینی تشلب میمنه شهری و المار تومنی نینگ مرکزی گه قاچیب کیلگن لیک لرینی ایته دی.

حاکم دولت کوچلری کونی کیچه بخاری قلعه منطقه سی نی قیته نظارت لریگه آلگن لری نی معلوم قیلیب، اهالی دن بیرقسمی منطقه لریگه قیتیب باره یاتکن لیک لرینی ایتماقده.

منشی جنابلری اوزییری لردن قاچگن کیشی لرگه هیچ قندی کمک بولمه گن لیگنی ایته دی.

شونینگ دیک 209شاهین قول اوردو سی نینگ سوزچیسی محمد رضا رضا بی بی سی بیلن بولگن صحبتیده طالبان گروهی نیچه مدت دن بویان المار تومنی همده میمنه شهریگه هجوم قیلیش اوچون مذکورمنطقه ده توپلنگن لیک لرینی ایتیب، اولر زوربیلن 600عایله نی اوزاویلریدن کوچیرگن لیک لرینی تاکیدله یدی.

رضاجنابلری ملی اردو، ملی پولیس همده ملی امنیت کوچلری المار تومنی نینگ بخاری قلعه منطقه سیده ایکی کوندن بویان تازه لش عملیات نی یولگه تشله ب، طالبان گروهیگه آغیرضرریتکزگندن سونگ اولرنی تاغ لرگه قاچیریش گه موفق بولگن لردیدی.

ملی اوردو سوزچیسی طالبان گروهی آره سیده اوزبیکستان، چیچین وپاکستان لیک طالب لرهم موجود ایکن لیک لرینی معلوم قیله دی.

طالبان گروهی هنوزگه قدر بوحقده هیچ نرسه دیمه گنلر

سونگی نیچه آی ایچیده فاریاب ولایتی نینگ قیصارتومنی گه قره شلی شاخ منطقه سی ده هم شونگه اوخشش یوزبیرگن اوروش لرسبب اونلب عایله اوزاوی لرینی تشلب چیقیش گه مجبوربولگن ایدیلر.