"فاریابده اکتید موسسه سی نینگ 6 ایشچیسی اولدیریلدی"

فاریاب ولایتی نینگ ولایت کینگاشی رئیسی رحمت الله تورکستانی نینگ ایتیشیچه اکتید موسسه سی نینگ آلتی ایشچیسی میمنه شهریدن، المار تومنی قره ب کیته یاتگن بیرپیت شهرنینگ بیرنیچه کیلومتر اوزاق لیکده جایلشگن محلده اوققه توتیب اولدیریلگن.

فاریاب ولایتی نینگ ولایت کینگاشی رئیسی گه کوره، بو آلتی ایشچیسی بوندن ایککی کون آلدین قوراللی لرتمانیدن المار قیصار آره سیده یولده اولدیریلگن انجنیر احمد زاهد مولویزاده نینگ فاتحه مراسیمیدن قیتیب المار قره ب کیته یاتگن بیرپیت قوراللی لرتمانیدن موترلری توخته تیلیب کیینچه لیک اولدیریلگن لر. موترده بولگن باشقه بیر انجینیرهم یره لنگن. همده اولرنینگ موترلری قوراللی لر تمانیدن یاندیریلگن.

ایککی کون آلدین اولدیریلگن انجینیر احمدزاهد فاریاب – هرات شاه یول نینگ قوریش شرکتی باشلیغی صفتیده وظیفه آلیب باررایکن.

تورکستانی جنابلریگه کوره، بوگون اولدیریلگن اکتید خادملری، المار تومنیده گی قیته قوریش لایحه لرینی عملگه آشیریش اوچون ایش آلیب باررایکن، اونینگ ایتیشیچه جسد لر بیرینچیدن کسلخانه گه آلیب باریلیب، کیینچه لیک عایله لریگه تاپشیریلگن:" مین کسلخانه گه باریب جسدلرنی بیرمه - بیر کوردیم، اولرنینگ باش لریگه اوق تیگگن ایکن، اوق شدتی باعث بیرنیچیته سی نینگ باشی تنه سیدن اجره لگن ایکن. اوته الملی بیرحادثه بولیب میمنه ده ماتم بولدی- ماتم."

فاریاب ولایتی نینگ ولایت حاکمی محمد الله بتاش بی بی سی بیلن بولگن صحبتیده شوندی حادثه یوزبیرگنی حقیده خبرلر ایتیب کیلگنینی ایتیب بوحقده تفصیلات بیریشدن باش تارتدی.

فاریاب ولایتی نینگ ولایت کینگاشی رئیسی رحمت الله تورکستانی حادثه شهرنینگ یقنیده یوزبیرگنی باعث امنیتی کوچلرنینگ قتیق قاره لب چیقدی، اونگه کوره امنیتی کوچلر فاریاب ولایتی خوف سیزلیگینی تامین لشگه قادر ایمس.

فاریاب ولایتی نینگ المار وقیصار تومنلری سونگی وقتلرده انچه ناتینچ بولیب، یوزبیریب کیله یاتگن ناقرارلیک لر باعث یوزلب اهالی ایریم منطقه لرنی ترک ایتیشگه مجبو بولگن.