ریس جمهوراسلام کریموف ایلک باردنیا نینگ اینگ قدرتلی مسلمانلری رویخطی ده

Image copyright BBC World Service

اما اوزبیکستان ریس جمهوری ایلک بارکیریتیلگن رویخطی ده مصرنینگ "الاخذر" یونیورسیتیسی بویوک شیخی ومسجدنینگ باش امامی احمد محمد الطایب قدرتلی لیک بابیده برچه رقیبلرینی آرتده قالدیبریب کیتدی.

ریس جمهوراسلام کریموف ایسه، قالگن 499 ته قدرتلی مسلمان نینگ صفیدن جای آله دی. اونینگ اسم – شریفی آستیده بیریلگن ایضاحده ایسه، "... اوزبیکستان نینگ قریب 30 ملیون اهالیسی بولسه، شوندن 95 فایزدن آرتیقراغی مسلمان. کوپلر، عادتده، هرقنده ی اعتقادلی مسلمان نینگ، خواه ووهابی بولسین یاخواه صوفی، "اسلامی ایکستریمیزم" تمغه سی بیلن قطه غان یاکه تعقیب لرگه اوچره شینی سیزیشگن"،- دییله دی. بوگل، حتی، کیتمه- کیت بیش ییل دیرکه همه دن اوزیب کیله یاتگن صعودی عربستان پادشاهی عبدالله بن عبدالعزیزهم ایکینچی اورین بیلن کفایه له نیشگه مجبوربولدی.

"دنیانینگ اینگ قدرتلی 500 مسلمانی" رویخطی عمان ده جایلشگن قیراللیک اسلامی ستراتیژیک تدقیقاتلرمرکزی تمانیدن اعلان قیلیب کیلینه دی.

اوتگن ییل رویخطده دنیانینگ اینگ قدرتلی ایکیته مسلمانیدن بیری، دیب تاپیلگن تورکیه باش وزیری رجب تاییب ایردوغان ایسه، بوییل آلتینچی اورینگه توشیب قالگن.

مراکش پادشاهی محمد آلتینچی نی چیتگه سوریب، ایران عالی روحانی رهبری آیت الله علی خمینی اوچینچی اورینگه چیقیب آلگن.

یوقاری تورتلیکنی ایسه، بوییل اردونیه قیرالی عبدالله تولدیرگن. قیرال حضرتلری مصرنینگ "مسلمان برادرلیگی" حرکتی روحانی رهبری محمد بیدیه نینگ اورنینی ایگله گن.

اوشبورویخط 2009 ییلدن بویان امریکانینگ جیوریج تاون ینویورسیتیسی قاشیده گی شهزاده الولید بن تلل مرکزی بیلن همکارلیکده چاپ ایتیب کیلینه دی.

بوندن مقصد ایسه، دنیاده کیچه یاتگن واقعه حادثه لرنینگ اسلام عالمی، مسلمانلرنینگ بوگونگی دنیاگه تاثیری وآدملرنینگ اسلام دینینی یخشیراق انگلش لریگه کمک بیریشدیر.

"اولر- مسلمانلر، اولرنینگ اعتقادلری، غایه لری وایشانچ لریگه بیواسطه تاثیرقیلووچی دینی علمایاکه آدملرنینگ اجتماعی- اقتصادی احوالرینی اونگلش گه خذمت قیلگن دولت رهبری بولیشی ممکن،" دییدی اوشبوکتاب محرری عبدالله شله یفیر.

یوقاری اونتلیک

Image copyright Reuters

اوتگن ییل یوقاری اونلیککه کیریشیگه بیربحث قالگن مصرنینگ "مسلمان برادرلیگی" حرکتی رهبری محمد مرثی ایسه، بوگل، حتی که، یوقاری ایلیکته لیککه هم کیره آلمه دی دنیانینگ اینگ قدرتلی ایلیکته مسلمانی رویخط گه کیرگن عیاللرایسه، فقط اردون قیرالچیسی رنیا ال- عبدالله، سوریه ده گی "قبه یسی" حرکتی ایتکچیسی شیخ منیره قبه یسی وقطارجمغرمه سی رهبری شیخه مازه بن نثار المسنید حضرتی عالی لری بولیشگن، خلاص.

عین اورینده شونی علاحیده تاکیدلش جایزکه، رویخط ده یوقاری اونلیک نینگ برچه سینی سیاسی ودینی رهبرلرایگله لشگن.

اولرنینگ آره سیده مراکش پادشاهی، ایران لیک آیت الله، اندونیزیا ریس جمهوری، عمان سلطانی وبیرلشگن عرب امیرلیکلری ولی احد شهزاده سی بار.

بوییل تورکیه ده گی "نورچیلر" آقیمی رهبری فتح الله گلن باریوقاری اونلیککه کیره آلمه گن.

اوتگن ییل 11- اورینده کیلگن مصرنینگ یقیندن قدرتدن چیتلنگن ینگی ریس جمهوری محمد مرثی ایسه، بوگل، حتی، یوقاری ایللیکته لیککه هم کیره آلمه گن.

علاحیده کتاب حالیده چاپ ایتووچی رویخط ده اینگ اولا دنیانینگ ایللیکته قدرتی مسلمان اسم – شریفی کیلتیریله دی.

اما، بوییلگی رویخط گه قره لسه هم، اولرنینگ آره سیده بیراربیرسابق شورا دولتی وکیلی یوق.

قالگن قدرتلر

Image copyright Reuters

بو- اوزبیکستان رهبری نینگ ایلک بار"دنیانینگ اینگ قدرتلی مسلمانلری" رویخطی گه اوتیشی ایکه نی ایتیله دی.

ریس جمهوراسلام کریموف دن تشقری "دنیانینگ اینگ قدرتلی 500 مسلمانی" رویخطیده اوزبیکستان بوییل ینه مملکت باش مفتیسی عثمان علیم نمایان ایتگن.

قالگن مرکزی آسیا دولتلری آره سیدن ایسه، تاجیکستان نینگ مخالفتی ده گی "اسلام اویغانیش" پارتیسی رهبری محمدالدین کبیری وترکمنستان ریس جمهوری قربانقل بیردی محمدوف اوشبو رویخط گه توشیشگن.

اوتگن ییلده گی سیدن فرقلی طرزده، تاجیکستان ریس جمهوری امام علی رحمان بوگل عمومأ رویخط گه کیرمه گن.

سابق شورا دولتلرینی آذربایجان ریس جمهوری، باش مفتیسی، تانیقلی حافظی عالم قاسم، روسیه باش مفتیسی، سینت پتربورگ مسجدی امامی وچیچینستان ریس جمهوری نمایان ایتیشگن.

تاتارستان رهبری بوگل رویخط دن چیقیب کیتگن.

یقینده طالبان نینگ هجومی گه اوچره ب، آغیریره لنگن پاکستان لیک فعال اوقووچی قیز ملالی یوسفزی هم بوییل جهانده کتته تاثیرگه ایگه مسلمان، دیب تاپیلیبدی.

دنیانینگ اینگ باآبرو 450 ته مسلمانی 15ته تصنیف بوییچه انیقلب آلینه دی. اما اولرگه اورین بیریلمه یدی.

یعنی مسلمان لیدرلری یاکه علمالرنینگ سیاستیدن تارتیب دین، مطبوعات دن تارتیب، صنعت، علم- فن وترقیات گه قوشگن حصه لری انابتگه آلینه دی.

اینگ اعتبارلی سی شوکه، بوییل هم افغانستان ریس جمهوری حامد کرزی دن تشقری، "حقانی" جنگری گروهی رهبرلریدن سراج الدین حقانی، "حذب اسلامی" گروهی رهبری گلبیدین حکمتیار، طالبان حرکتی رهبری ملا عمرواوزی نینگ اشدی تنقیدچیلیگی بیلن تانیلگن سابق پارلمان وکیلی ملالی جویا هم "دنیانینگ اینگ قدرتلی 500 مسلمانی" رویخطی گه توشیشگن