کابلده تلویزیون دن نشرایتیلگن توهین لی اظهارات گه قرشی اعتراض یولگه قوییلدی

پارلمانده نفوس ثبت قیلیش قانونی نی کوریب چیقیش آقیمیده گی جنجال لرنی کوته ریشده، ژوندون تلویزیونیده بیرتحلیلچی غیرپشتون قوملری باره سیده سوزیوریتیب قتیق اعتراض لرگه دوچ کیلدی.

آثارحکیمی نمایش یولگه قویگنلردن بیری، شنبه کونی (16قوس) بی بی سی گه ایتیشیچه، بو نمایشلرنی"افغانستان قوملری گه قرشی" رسانه لرده طرح ایتیلگنی اوچون یولگه قوییلدی.

اونینگچه: "بیزبوییرگه تبعیض گه قرشی کوره ش اوچون کیلگن میز، افغانستان دولتی دن بوبرنامه لرنی آلدینی آلیشینی ایسته یمیز".

حکیمی جنابلری نینگ ایتیشیچه، بو نمایشلر"خراسانیان اویوشمه سی" تمانیدن یولگه قوییلیب، اونینگ ریاستی نی اوزعهده سیگه آلگن.

اونگه کوره، اعتراض چیلر"دهمزنگ" میدانیدن پارلمان گچه نمایش آلیب باره دیلرهمده نمایش آخریده ملی شناسنامه ده قومی بیلگی نینگ نفوس ثبت قیلیش قانونیده گی طرحده حذف ایتیشیلیشی گه اعتراض لرینی بیلدیریشلری ممکن.

اوتگن هفته لرنینگ سونگگی ده مملکت قوملری نینگ هویتی ملی شناسنامه ده ذکربولیشی، یاکه فقط گینه "افغان" ملی هویتی بیلن کیلتریلیشی، پارلمان نماینده لری اورته سیده چقوربحث لرگه ایلندی.

اوشبوموضوع توغریسیده سنامجلسی ده بیرقطارسناتورلرقرشی له نیب، محمد علم ایزدیار، ییغیلش نایب ریسی، ریاستی گه قدراعتراض آلیب باردیلر.

آثارحکیمی نینگ ایتیشیچه، "بیزنینگ ایسته گیمیزهربیرقوم بیلگی سی

تاجیک، هزاره، اوزبیک، پشتون شناسنامه ده ذکرقیلینسین همده بیزافغانستان اهالیسیگه افغان بیلگیسی نی بیریشده قرشی میز. چونکه افغان بیلگیسی عزیز پشتون قومیگه تیگیشلی دیرهمده باشقه اهالی بیلگیسینی بیرمه یدی" دییدی او.

بوندن آلدین افغانستان جمهورریسی حامدکرزی هم آچیق شکلده خاص رسانه دن آت توتمی، مطبوعات نی قومی قرشی لیکلرنی توزمسلیکری اوچون تاکیدله دی.

"اکثری ملی بیرلیگی میزنی بوزیش اوچون کوشش ایته دیلر، قوم وقوم بازلیک، تیل وتیل بازلیکنی یولگه قویگنلر".

قوم چیلیک بحثی جنجال لری پارلمانده خصوصأ ژوندون تلویزیونیده، بوندن باشقه اجتماعی ترماغلرده هم کورینه دی.

ژوندون خصوصی تلویزیونیده ، شناسنامه ده قوم بیلگیسی نی ذکرایتیشی موضوعی توغریسیده بولیب اوتگن بحث ده، برنامه مهمانلریدن بیری افغانستان نینگ پشتون قومی دن باشقه ایری قوملرگه توهین سوزینی اظهارایتدی.

هرچندکیینچه لیک تلویزیون برنامه سی نینگ تحلیلچیسی عذرسوره دی، لیکن اکثری فیسبوک اشتراکچیلری اونینگ اظهاراتینی محکوم ایتگنلر.