امریکا مدافعه وزیری: افغانستان رسمیلری خوفسیزلیک پیمان نی امضالشگه ایشانچ بیریشگن

Image caption امریکا مدافعه وزیری، چاک هیگل، نینگ ایتیشیچه، افغان همراهی خوفسیزلیک پیمان نی امریکا کوچلری نینگ، افغانستانده 2014 ییلدن کیین قالیشلری اوچون امضالشگه ایشانچ بیلدیریشگن.

امریکا مدافعه وزیری، چاک هیگل، افغانستانده حیات کیچیره دی، اونینگ ایتیشیچه، افغان همراهی خوفسیزلیک پیمان نی امریکا کوچلری نینگ، افغانستانده 2014 ییلدن کیین قالیشلری اوچون امضالشگه ایشانچ بیلدیریشگن.

امریکا میلادی جاری ییلده، بوپیمان نینگ امضاله نیشینی ایسته گن، لیکن افغانستان جمهورریسی حامدکرزی پیمان نینگ امضاله نیشی اوچون ایککی شرط نی یولگه قویگن.

بیری امریکا کوچلری افغانلراوییدن کوریب چیقیشلری توخته تیلیشی، همده امریکا نینگ صادقانه یاردم بیریشی طالبان گروهی بیلن صحبت لشنی باشدن آلیشی، که بوصحبت قطردفتری یاپیلگن دن کیین توخته تیلدی. بوشرط لرکرزی جنابلری نینگ کیلیشونامه امضاله نیشیگه قوییلگن.

اوشبو حالده، 6 دسامبر، جمعه کونی امریکا نینگ پاکستان وافغانستان اوچون بولگن خاص نماینده سی جیمزدابینز، افغانستان جمهورریسی حامدکرزی بیلن خوفسیزلیک پیمان نی امضالش توغریسیده قیلگن صحبتی نتیجه گه ایریشمه گنینی ایتگن.

دابینزجنابلری نینگ ایتیشیچه، حامدکرزی بیلن اوچره شگنی ده، امریکا صحبت لشنی باشدن آلیش اوچون حرکت قیله دی، لیکن افغانستان دولتی گه زمانت بیره آلمسلیگینی تاکیدله گن.

اگرافغانستان وامریکا اورته سیده خوفسیزلیک پیمان امضالنسه، امریکا نینگ 15 مینگ گه یقین کوچلری همده ناتواعضالریده گی باشقه مملکت لرنینگ بیرقطارکوچلری 2014 ییل نینگ آخریگچه افغانستانده قالیشی ممکن.

ناتورسمیلرنینگ ایتیشیچه، کوچلرنینگ اصلی ماموریت لیگی 2014 ییلدن کیین، افغانستان کوچلریگه تعلیم بیریب واولرنی حمایه ایتیشلری ممکن.

لویه جرگه مشورتی تمانیدن خوفسیزلیک پیمان اوچون، افغانستانده 2014 ییلدن کیین تشقی کوچلرنینگ بگرام، کابل، مزارشریف، هرات، قندهار، شیندند، گردیز، وهلمند ولایتلریده حضورتاپیشلری تایید ایتیلگن.