حامد كرزي، ماندلا ني ايسلش مراسمي گه اشتراك ايتيش اوچون جنوبي افريقا گه يول آلدي

افغانستان جمهورريسي حامد كرزي، جنوبي افريقانينگ تعصب گه قرشي كوره ش رهبري نلسون ماندلانينگ ايسلش مراسمي گه اشتراك ايتيش اوچون ژوهانسبورگ گه كيتدي.

بوكون دوشنبه قوس آيي نينگ 18 افغانستان جمهورريسي نينگ دفتريده گي وبسايتيده يازيليشچه، حامدكرزي كابلني ژوهانسبورگ مقصديگه ترك ايتگن.

اوشبووبسايتدن خبرنشربوليشيچه، كرزي جنابلري جهان رهبرلري آلديده "جنوبي افريقا نينگ سابق جمهورريسي نينگ تعصب گه قره شي كوره شي اوچون"، احترام قيليش گه توخته يديلر.

جهان نينگ اون مملكت رهبرلري وجمله دن امريكا جمهورريسي باراك اوباما مانديلاجنابلري نينگ ايسلش مراسميگه اشتراك ايتيشلري ايتيلگن.

بومراسم ايرته سه شنبه كوني دسامبرآيي نينگ 10 ده باشله نه دي، بيرهفته گه قدردوامي بار. بوبيرهفته ده خاص محلده احترام اوچون ماندلاجنابلري نينگ هيكلي سقله نه دي.

ماندلاجنابلري نينگ جنازه مراسمي يكشنبه، دسامبرآيي نينگ 15ده آلينه دي.

كرزي جنابلري نينگ بومراسمده حضوري مملكتيده قومي جنجال لرنينگ آرتيب باريشي پيتيده بوليب، خاص اهميت گه ايگه دير.

افغانستانده سونگگي وقتلرده سياسي مجلس همده مطبوعاتده، ماندلانينگ جنوبي افريقاده گي نژادي مساله لرني حل ايتيشده، افغانستانده قنده ي قيليب قومي تعصب لرني حل ايتيشده فايده له نيش اوچون، تورلي سوراقلرطرح ايتيلماقده.

عكس

نلسون ماندلا كوره ش آقيميده 27 ييل قماقخانه ده بولگن وآزاد ليكدن كيين وجنوبي افريقا نينگ آزاد ليك قدرتيني قولگه آلگندن سونگ، سابق دشمنلريني كيچيريب جمهورريس عنوانيده، بوتون مملكت نژادي نينگ اتحادواتفاق قيليش مقصديده كوره ش آليب باردي.

آپارتايد زوروانليك رژيمي تاريخي نينگ بوليشيگه قره مه ي، بوگونگي كونده جنوبي افريقاجهان نينگ اينگ موفق دموكراسي مملكت لردن بيري عنوانيده يوريتيله دي.