افغانستان شمالیده گی دولت مخالف لری؛ طالب لرمی یا جنایتکار لر؟

Image caption جوزجان ولایتی نینگ پولیس قوماندانی گه کوره قوراللی طالب لردشت لیلی منطقه سی ده فعالیت لرینی کینگه یتیریش اوچون سعی وحرکت قیلماقده لر.

بوندن آلدین تینچلیگی یخشی بولگن افغانستان شمالی حاضرگی کونده بوحدود نینگ ایریم محللری ناقرار بولیب سفرقیله من دیگن کیشی لرگه سفرقیلیش آسان بولمه گن ،محلی رسمی لرعصیانچی لر ایریم قیشلاق لرنی ناتینچ قیلگن لرینی تصدیقله یدیلر.

جوزجان پولیس قوماندانی فقیر محمد جوزجانی دولت گه قرشی بولگن قوراللی لرنینگ اکثریسیبوندن آلدین تینچلیگی یخشی بولگن افغانستان شمالی حاضرگی کونده بوحدود نینگ ایریم محللری ناقرار بولیب سفرقیله من دیگن کیشی لرگه سفرقیلیش آسان بولمه گن ،محلی رسمی لرعصیانچی لر ایریم قیشلاق لرنی ناتینچ قیلگن لرینی تصدیقله یدیلر. قانون تعقیبی دن قاچگن لردیب ایته دی.

"عموما آلگنده جوزجان ولایتده طالب لر سانی 400کیشی دن آرتیق ایمس، اعتقادوشعورگه ایگه قوراللی لر، اون فایزدن کوپ بولمه گن، وقالگنی لری هم قانون جاری ایتیلیشی دن قاچیب اولرصفیگه اوتیب فعالیت قیلماقده لر، اولرنینگ هربیری نینگ دوسیه لری عدلیه و باش قاره لاوچیلیک اداره لر ی ومحکمه ده سقلنماقده، اولرگه قانوندن قاچیب حیات کیچیریش لری اوچون بویخشی زمینه بولگن"

جوزجان ولایتی نینگ پولیس قوماندانی گه کوره قوراللی طالب لردشت لیلی منطقه سی ده فعالیت لرینی کینگه یتیریش اوچون سعی وحرکت قیلماقده لر.

طالبان اوز حکومت لری دوریده شمال نینگ اوز اختیارلریگه آلیش اوچون مینگلب اعضالرینی بودشت ده قولدن بیرگن ایدیلر.

طالبان حکومتی قوله تیلیشیدن 12 ییل اوتیشی بیلن ینه هم بو جنگری گروه نینگ اعضالری دشت لیلی ده فعالیت لری کوزه تیلماقده.

جوزجان پولیس قوماندانی فقیر محمد جوزجانی طالب لرنینگ دشت لیلی ده حضورلری بارلیگی نی تن آله دی.

"طالب لراوچون دشت لیلی مرکزلریگه ایلنگن شو سبب درزاب وقوش تیپه تومن لری نابرقرار بولگن، بو دشت بی پایان ییر، بودشتده طالب لرنینگ حضوری کوزه تیله دی." دییدی جوزجان پلیس قوماندانی فقیرمحمد جوزجانی

جوزجان نینگ جنوبیده جایلشگن سرپل ولایتی بو ولایت اورته سیده جایلشگن بویولده هم آنده- سانده طالب لرفعالیت لری کوزگه تشلنه دی.

Image caption جوزجان پولیس قوماندانی فقیر محمد جوزجانی دولت گه قرشی بولگن قوراللی لرنینگ اکثریسی قانون تعقیبی دن قاچگن لردیب ایته دی.

طالب لرگروهی ایسه ایریم حاللربو یول گه چیقیب یولنی توسیب وماین جایلشتیره یاتگن لری ایتیله دی.

"مثال بیلن سرپل گه سفر قیلماقچی بولسک، طالب لر تاماندن گاهده وقتینچه لیک یول یاپیب قوییله دی، بیزلرنی اوشلب آله دی، یانیده پولی بارکیشی لرنی جونتگیدن بارپولینی چیقریب آله دی، بو ایسه بیزلرگه کوپ قیین چیلیک توغدیرگن." دییدی جوزجان بیلیم یورتی طلبه لریدن سید امید

بو ولایت لرگه تیگشلی بیر قطار قیشلاق لر خوف سیزلیگی ایسه اوتگن ییل لرگه قره گنده یامانلشگن.

جوزجانلیک محمد کبیرامنیت بوزیلیب باره یاتگنیدن تشویشده ایکن لیگی نی معلوم قیله دی.

"بیر قطار تومن لریمیز ناقرارلشگن، قوراللی لر اوزاق حدودلرده جایلشگن اولوسواللیک لرنی امنیتی نی بوزیش اوچون حرکت قیله دیلر، بیراق بخت گه موافق خوف سیزلیک کوچلریمیز انچه فعال لر، بونینگ آلدینی آلیش اوچون سعی وحرکت یپدیلر.

"مینینگ اسمیم بشیر احمد جوزجان یشاوچیسی بوله من، سونگی کونلرده جوزجان ولایتیده خوف سیزلیک یمانلشگن".

بو ولایتده ناتینچلیک لر آشیب باریشیگه جوزجان ملت وکیللری، دولت نینگ امنیتی اداره لری ضعیف لیگی نی سبب قیلیب کورسته یدیلر.

بیراق شمالده گی محلی رسمی لر تاماندن بو مساله رد ایتیله دی.

Image caption شمالده انه شو موجود وضعیت سبب قیته قوریش ورواجله نیش ایشلری کوپراق عملگه آشیریب کیلماقده لر.

انه شو ملت وکیللریدن بیری عنایت الله بابرفرهمند

"سیلاولر یقینله شیشی بیلن دولت مخالف لری اوز اعتبارلرینی شمال گه جلب قیلیب وفعالیت لرینی شمال گه آشیرگن لر، اوتگن دورگی سیلاوده فاریاب، جوزجان وسرپل ولایت لریده گی اهالی کوپ سانده اشتراک ایتگن ایدیلر، ایکینچی مساله هم محلی مسووللریمیزنینگ ضعیف لیکلری بولیب اوزایشلرینی کونگیلده گی دیک باشقره آلمه یدیلر"

شمالده گی محلی مسووللرگه کوره طالب لرفعالیت لری نینگ آلدینی آلیش اوچون ملی پولیس یانیده یوزلب محلی پولیس هم خذمت قیلیب کیلماقده لر.

بو پولیس لرگه حربی تیارگرلیک مشقی هم اورگه تیلماقده.

حربی مشق کوره یاتگن بومحلی پولیس لرجنگ اسلوبی نی اورگه نیش لریدن مقصد طالبانگه قرشی اوز قیشلاق وتومن لریدن یخشی راق مدافعه ایتیش بولگن.

اما برچه تشویش لرگه قره مسدن هلی هم شمال مملکت نینگ باشقه کوپلب حدودلریگه قره گنده تینچ راق دیب ایتیش ممکن.

شمالده انه شو موجود وضعیت سبب قیته قوریش ورواجله نیش ایشلری کوپراق عملگه آشیریب کیلماقده لر.