نی تشکیلاتی: رسانه لرگه قرشی باسیملر کوچه ییب بارماقده

ایرکین رسانه لردن حمایت ایتووچی نی ناملی تشکیلات،سونگی وقتلرده حکومت تامانیدن مطبوعات گه قرشی باسیم لر کوچه ییب باره یاتگنینی ایتیب، ملی امنیت و قاره لاوچیلیک اداره لری تامانیدن رسانه لرگه مکتوب یوباریلگنینی قاره لب چیقدی.

عینی حالده اوشبو تشکیلات مسووللریگه کوره، افغانستان مدنیت وخبرلر وزیرلیگی تمانیدن مطبوعات قانونی اینیقسه مطبوعات کمیسیون نینگ عملده جاری ایتیلمه گنی شوندی اره له شوولرگه زمینه یره تگن، همده تشکیلات نینگ ادعاقیلیشیچه مدنیت وخبرلر وزیرلیگی مطبوعات کمیسیونینی ایجادی ایتیش اوچون هیچ قندی اعتباربیرمه گن.

"نی " تشکیلاتی نینگ مسوولی مجیب خلوتگر بوکونگی اوتکزگن مطبوعات انجمنیده، بوندن بیرنیچه کون الدین ملی امنیت و قاره لاوچیلیک اداره سی تامانیدن رسانه لرگه مکتوب یوباریلگنینی قتیق قاره لب شوندی عمللرنی قانونگه قرشی بولگنینی ایتدی:" رسانه لر قندی دیر قانون بوزرلیککه قول اورگنده، افغانستان ملی امنیت اداره سی و شونگه اوخشه گن اداره لر مدنیت وخبرلر وزیرلیگی ارقه لی علاقه قوریش لری لازم."

بوندن آلدین افغانستان ملی امنیت اداره سی ایریم تلویزیون ترماقلریگه مکتوب یوللب مالی منبع لری، تشقی و ایچکی ایشچلری حقیده به تفصیل معلومات بیریشلرینی طلب قیلگن ایدی.

شونینگ دیک افغانستان قاره لاوچیلیک اداره سی هم بیر خبرنامه ترقه تیب، ایریم تلویزیون ترماقلری رسانه لر قانونی نی انابتگه آلمی اوز منفعتلرینی نظرده توتیب، ملی بیرلیککه قرشی توره یاتگنینی ایتگن ایدی، همده بیاناتده شوندی عمللرگه قول اوره یاتگن رسانه لر بیلن جدی یانداشیلیشی اورغولنگن ایدی.