لوگرده اوتكزيلگن كانكور امتحان قاغذلري درياگه تشلب يوباريلدي

Image caption لطف الله صافی، سیناوگه وکیللر وقوراللی شخصلر اره لشیب، قتنه شووچیلرگه نقل آلیش زمینه سی یره تیلیب بیريلگنینی ادعا قیلدی

لوگر ولایتیده کانکور سیناوی کتته جنجللرگه سبب بولدی. لوگر ولایتی معار ف رسمیلريگه کوره، سیناو شفاف شکلده اوتکزیلگن، بیراق کانکور اوچون بارگن هیات کابل و لوگر اره سیده گی یولده شاگردلر حل قیلگن پارچه لرنی دریا گه تشلب يوباريشگن.

لوگر ولایتی نینگ معارف اداره سي مسووللری، کانکور هیاتی نینگ بوعملینی قتیق قاره لب، بوایسه لوگر یشاوچیلری اوچون کتته جفا بولگنینی ایتيشگن، اما افغانستان عالی اوقوو وزیرلیگی سیناو جریانیده قلابکارلیک یوزبیرگنی، کانکورده وکیللر و قوراللی شخصلر اره لشگنی باعث، اوتکزیلگن سيناو بیکار قیلیگنیدن خبربیرگن.

لوگر یشاچیلریدن بیری، کانکور سیناوي هیاتی تمانیدن سیناو قاغازلريني دریادن تاپیب معارفگه کیلتیرگنینی حکایه قیله دی. او ایسه یوزدن آرتیق کانکور سوال و جواب قاغازلريني دریادن چیقه ریب، باشقه قالگنی سووگه باتیب کیتگنینی اورغوله یدی. همده بو شخص افغانستان عالی اوقوو وزیرلیگی تمانیدن تحقیقات اوتکزیلمه ی، کانکور هیاتی نینگ بو ایشگه قول اورگنینی قتیق قاره له یدی.

لوگر ولایتی نینگ معارف رییسی محمد اکبر ستانکزی، هم کانکور سیناوي اوچون بارگن هیات اعضالري نی قاره لب، اولرنینگ بو عمللرينی چيدب بولمه يديگن بير درجه ده تنقيد قيلدي. او هم کانکور شفاف بولیب اوتگنینی تیلگه آله دی:" سیناو شفاف شکلده عملگه آشیریلدی. کانکور هیاتی جمعه کونی ولایت حاکمی بیلن خیرله شیب کابل قره ب کیتدیلر هیچ قندی شکایت قیلیشمه دی. اما هیات باشیده بولگن لطف الله صافی کانکور سیناو قتنه شووچیلری بیلن یخشی مناسبت بیلدیرمس ایدی. همه قینچلیک نی اوشه یوزگه آلیب کیلگن بو خصومت اساسیده آلینگن بیر قرار. بو معماگه سبب بولگن شخص نینگ عملی درجه سی هم پوهاند".

Image caption کانکور هیاتیگه کوره، کانکور سیناو جریانیدن آلینگن صورت

اما کانکور سیناو هیاتی و افغانستان عالی اوقوو وزیرلیگی ماجرا نی باشقچه حکایه قیليشه دي. کانکور سیناو هیات باشچيليگیده بولگن لطف الله صافی، سیناوگه وکیللر وقوراللی شخصلر اره لشیب، قتنه شووچیلرگه نقل آلیش زمینه سی یره تیلیب بیريلگنینی ادعا قیلدی. عین حالده او بوگون کابلده اوتکزگن مطبوعات انجمنیده، کانکور سیناوي نینگ سوال و جواب قاغازلري هم دریاگه تشلگنینی رد ایتمه دی:"افسوس بیلن سیناو جریانی باشله نیشدن ایریم قانون بوزرلیک لر بیلن بیرگه بولدی. مسووليت سيز کیشلر موجود لیگی سیناو ارقه گه تشله نیشی پارلمان و ولایتی کینگش وکیللری نینگ توغریدن توغری اره له شوو، نقل آلیش بویروغی قتنه شووچیلرگه بیریلدی. همده تشقریدن باشقه لر کیلتیریلیب، سیناوپارچه لری اولرتمانیدن حل بولیندی. کانکور هیاتی زورمندلرتمانیدن تهدید بولیب خلاصه معارف مسووللری تمانیدن سواللر کیلدی هم طلبه لرگه بیریلدی دیدی صافی جنابلری".

همده او، شونده ی قانون بوزرلیکلر سواللرنینگ گروهی شکلده حل بولینیشی خصوصیده گي آلينگن صورت لرني مطبوعاتگه كورستدي. شو باعث 27 کیشیدن عبارت بولگن هیات، لوگر ولایتیده اوتکزیلگن کانکور سیناوينی بیکار قیلیشيني ایتیب، قیته دن کانکور سیناو عملگه آشیریلیشیني تاکیدله دیلر. شونینگ دیک، هیات باشچيليگيده بولگن شخص کانکور اوچون تعیين ایتیلگن هیات شونده ی قرارآلیشده صلاحیتی بارلیگینی اورغوله دی.

افغانستان عالی تعليم وزیرلیگی سوزچیسي عظیم نوربخش، کانکور سیناو هیاتی نینگ آلغه سوریلگن دلیللرینی قانيقرلي ديب، سیناو قیته دن اوتکزیلیشی باره سيده تاكيدله دي.

لوگر اهاليسي و معارف مسووللری اوتکزیلگن سيناو بیکار قیلینيشی، اوته قینچلیکلرنی باشدن کچیریب سيناو اوچون مرکزگه کیلگن اوقووچیلراوچون ییریک معما ايكنيني ایتيشدي. اولرگه كوره، لوگر ولایتی بیرقنچه تومنلری ناتینچ بولگنی باعث، کانکور قتنه شووچیلرنینگ مرکزگه کیلیشلری اوته قیين.

اوتکزیلگن سیناوده اون ایککینچی صنف نی بیتیرگن 3632 نفر اشتراک ایتگن ایدي، بو جمله دن 292 ته سيني قیزلر تشكيل بيرردي.

افغانستان عالی تعليم وزیرلیگی نینگ قراری اساسیده اوتکزیلگن یيغین نیتجه سیز اعلان قیلینیب، یقین اره ده قيته دن کانکور سیناوي اوتکزیلیشی نظرده توتیلگن.