هرات ده دولت نینگ عیال خادملریدن بیری قورالی لرتمانیدن اولدیریلدی

هرات رسمیلری نینگ ایتیشیچه، هرات شهری بلدیه اداره سی نینگ تورتینچی ناحیه مسوولی خانم یلدا وزیری بوگون ناانیق قوراللی لرتمانیدن نشانگه آلینیب هلاک ایتیلگن.حادثه مسوولیتی نی حاضرگه قدر هیچ بیرگروه یاشخص بویینگه آلمه گن.

مذکور حادثه بوگون توشدن کیین هرات شهری نینگ بیشینچی ناحیه سیده یوزبیرگن.

هرات بلدیه مسووللریدن نقیب الله آورین نینگ بی بی سی گه ایتیشیچه، خانم وزیری آنه سی اوی مقابلیده موتریدن توشگن بیر پیت ناانیق قوراللی لر تمانیدن نشانگه آلینیب هلاک ایتیلگن.

محلی مقاملرگه کوره، خانم یلدا بوندن آلدین هم هرات بلدیه ادارسیده ایش آلیب باررایکن ، اما ایککی آییدن بیری هرات شهری نینگ تورتینچی ناحیه باشلیغی صفتیده تعین ایتلگن ایکن.

هرات پلیس قوماندانلیگی سوزچیسی عبدالروف احمدی حادثه یوزه سیدن تحقیقات ایشلر باشلگنینی ایتیب، بیرینچی معلومات اساسیده خانم یلدا موترگه مینیلگن ایککی قوراللی تمانیدن اوققه توتیلگنینی ایتدی.