شکایت لرنی تینگلش کمیسیونی اشرف غنی احمدزی تیمی نی آگاه لنتیردی

شکایت لرنی تینگلش مستقل کمیسیونی کیله جک جمهوررییسلیک نامزدلریدن اشرف غنی احمدزی تیمینی تبلیغی برنامه لر وقتی ایتیب کیلمسدن سیلاو آلدی تبلیغی برنامه لرگه قول اورمسلیگی حقیده آگاه لنتیرگن.

کمیسیون مسووللریگه کوره، اشرف غنی احمدزی وبیرینچی اورین باسری ژنرال عبدالرشید دوستم مطبوعاتی بیر یغینده سیلاو آلدی تبلیغی برنامه لرکبی موضوع لرگه اشاره قیلگنلر.

شونینگ دیک کمیسیون مسووللری، آلدین دن تبلیغی برنامه لرگه قول اورگن هر بیر نامزد بیلن قانونی یانداشیلشینی تاکیدله گن.

سیلاو آلدی تبلیغی برنامه لر بیرآیی دن سونگ باشله نیشی کوتیله دی.

شکایتلرنی تیکشروچی کمیسیون سوزچیسی نادر محسنی، کابلده اوتکزگن مطبوعات انجمنیده اشرف غنی احمدزی و ژنرال عبدالرشید دوستم دن آت توتیب اولرنینگ سیلاولر باره سیده بیلدیرگن فکرلرینی قانون گه قرشی بولگنینی اوغوله دی.

احمدزی جنابلری نیچه کون آلدین اورین باسرلری اشتراکی بیلن اویوشتیریلگن بیریغینده، برچه نامزدلرنی مناظره گه چقیریب بوحقده شوندی دیگن ایدی:" پامیردن هلمند دله لری گه چه ، قندهاردن – کنرکچه ، فاریاب ، جوزجان، سرپل هربیرجاینی نامزدلر تنله سه لر کوز اوستیگه ، مین اولر بیلن بحث قیلیشگه حاضرمن .اگر دفترلری بولمه سه دفتر آچیب بیره میز اگر آتلری بولمه سه جنرال ( صاحب) اولرگه آت بیره دی مناظره نی قبول ایتمه سه اولاققه بیز بیلن رقابت قیلسینلر."

شونینگدیک اوشبو یغینده اشرف غنی احمدزی نینگ بیرینچی اورین باسری ژنرال عبدالرشید دوستم سیلاولر باره سیده شوندی دیگن ایدی:"داکتر عبدالله عبدالله تیمی بیلن بارسک یوزده یوز موفق بولیشیمیزنی بیلرایدیک نیمه بولرایدی؟ مین افغانستاننی تجزیه بولیشدن قوتقه ردیم."

اما داکتر عبدالله عبدالله نینگ سیلاوآلدی تبلیغی برنامه لر دفتری جنرال دوستم نینگ بو سوزلرینی اساس سیز دیب رد ایتگن.

شکایت لرنی تینگلش کمیسیون سوزچسی محسنی جنابلری اوشبو کمیسیون جلسه سیده اشرف غنی احمدزی و ژنرال دوستم شوندی اظهارات لریدن قول تارتیشی اوچون بویوروغ بیریلیشیگه قرار آلینگنینی تیلگه آلدی.

ریاست جمهورلیک سیلاوی حل کیله جک قویاش ییل حمل آی نینگ 16- سیده بولیب اوتیشی ریجه لنیب و سیلاو آلدی تبلیغی برنامه لرهم ایککی آیی دوام تارتیشی نظرده توتیلگن.