اون بیرنامزد جمهوررییس کرزی بیلن اوچره شدی

اون بیرنامزد، جمهوررییس کرزی و مستقل سیلاولرکمیسیون باشلیغلری اشتراکی بیلن ریاست جمهورلیک سرایده بولیب اوتگن یغینده کیله جک سیلاولر شفاف بولیب اوتیش مساله سی محاکمه ایتیلگن.

بو یغین جمهوررییس کرزی دعوت اساسیده اویوشتیریلگن، اوشبو یغینده اشتراک ایتگن کیله جک ریاست جمهورلیک نامزدلریدن داوود سلطان زویگه کوره، سیلاولر ده دولتی مقاملرنینگ ارله شیشی باره سیده خواطرلر بیلدیریلگن.

داوود زی جنابلری جمهوررییس کرزی سیلاولرنی شفاف بولیب اوتیشی اوچون جدی سعی قیلیش وعده سینی بیرگنینی ایتیب بوحقده شوندی دیدی:"اوچره شوده سیلاولر گه عاید موضوعلر مباحثه ایتیلدی. ایریم نامزدلر حکومت مقاملری نینگ اره له شیشی باره سیده نشانه لر موجود لیگیدن خواطر بیلدیریب بوکبی معمالرنی الدینی الیش اوچون چاره کوریلیشینی سوره دیلر."

همده جمهوررییس کرزی کیله جک جمهوررییسلیک و ولایتی کینگاش سیلاولرینی شفاف بولیب اوتیشی اوچون برچه نامزدلردن انیق بیر ریجه توزیب چیقیشینی طلب قیلدی دیدی جمهوررییسلیککه نامزد داود سلطان زوی.

شونینگ دیک بولیب اوتگن اوچره شووده امریکا و افغانستان اره سیده امضاله نیشی کوتیله یاتگن امنیتی بیتم هم محاکمه ایتلگنی ایتیلماقده، لیکن بوخصوصده به تفصیل معلومات بیریلمه گن.

ریاست جمهورلیک سرای بولیب اوتگن اوچره شوو باره سیده حاضرگه قدرهم بیانات ترقه تمه گن.

بوندن آلدین هم افغانستان جمهورریسی حامدکرزی کیله جک سیلاولرده مستقل قالیشینی تیلگه آلگن ایدی.

ریاست جمهورلیک و ولایتی کینگش سیلاولری کیله جک قویاش ییل حمل آی نینگ 16- سیده بولیب اوتیشی ریجه لنگن.