عمومی جایلرده تنباکونی استعمال ایتیش منع ایتیلگن

تنباکو محصولاتی نی هتل وعمومی مکانلرده استعمال ایتیش منع ایتیلیشی یانیده باجخانه سالیغی هم 50فایزگه کوتاریلگن.

اولوسی جرگه یاپیق محللرده دخانیات گه عایدماده لرنی استعمال ایتیلمسلیگی نی 101 ایشانچ آوازی بیلن تصدیقله دی.

بوقانون گه کوره تنباکو محصولاتی حسابلنگن سگرت باله لرتاماندن ساتیلیشی منع ایتیلگن.

قانون نی رعایه قیلمه گن کیشی لر، 300افغانی (6دالر) گه تینگ مبلغ نقدی جریمه بولیش لری ممکن.

افغانستانده کوپلب باله لر کوچه وبازارلرده سگرت ساته دیلروبونینگ درآمد آرقه لی عایله لری نینگ روزگاری تیبره نه دی. اما حاضر بوقانون ده باله لرساتیشی منع ایتیلگن.

بیش فصل ییگیرمه بیش ماده دن عبارت بولگن بوقانون لایحه سی اوتگن آیی افغانستان وزیرلرکینگاشی تاماندن افغانستان اولوسی جرگه سی گه یوباریلگن ایدی.

مجلس نینگ ساغلیق ایشلری بوییچه کمیسیونی بو لایحه نی ایریم اوزگریش لرکیلتیریش بیلن عمومی مجلس گه جونتگن ایدی. اما ملت وکیللری آره سیده قره مه قرشی فکرلر کوتریلگنی اوچون اوشه کونی تصدیقلنمی اولوسی جرگه ایسه بولایحه تیکشیریلیب نهایی قیلینیشی اوچون قرارآلیب قوشمه کمیسیونگه جونتگن ایدی.

سگرت نینگ عمومی جایلروهوتللرده چیکیلمسلیگی منع ایتیلیشی یانیده، بونگه قوییلگن سالیق ایسه 50 فایزگه آشیریلگن.

مجلس ده ایریم ملت وکیللری تمانیدن سالیق یوزفایزآشیشی طلب قیلیندی. اما ایریم لری هم سگرت سالیغی آشیریلیشی سبب قاچاق ایتیش کولمی هم آشیشی نی تیل گه آلدیلر.

افغانستان ده سگرت ارزان نرخده تاپیله دی وسگرتدن علاو ه سونگی وقت لرده چلم قلیان نی استمال ایتیش آشیب بارماقده.

عمومی مکانلرده دخانیات نی استعمال ایتیلمسلیک قانونی ایسه جمهوررئیسی قول قوییشی دن کیین عملده جاری اییتله دی.

اما ایریم لرنینگ فکریچه بو قانون نینگ تولیق تطبیق ایتیشده دولت جدی معمالربیلن دوچ کیلیشی ممکن.