نيمه اوچون افغانستانليكلر كوپ فرزند كوريشه دي؟

جهان ساغليقني سقلش تشكيلاتي معلوماتيگه كوره، افغانستانده هر يوز مينگ عيالدن 1800 ته سي فرزند دنيا كيلتيريش چاغيده دنيادن كوز يومه دي

بو دنيا بوييچه ايككينچي يوقاري كورستكيچ ديگني دير. هر بير عيال ايسه تخمينآ 7 ته چه فرزند كوره دي. افغانستان حكومتي عياللر آره سيده اوليم درجه سيني آزه يتيريش مقصديده "عايله ني ريجه لشتيريش" گه كيريشگن. اما، سعي حركتلر بو ايستلگن نتيجه ني بيرمه ياتير. عزيز بي بي سي مخلصي، سيز حكومت نينگ "عايله ني ريجه لشتيريش" برنامه سيگه قنده ي قره ي سيز؟ نيمه اوچون افغانستانليكلر كوپ فرزند كوريشه دي؟ كوپ فرزندلي بوليش نينگ ايجابي و سلبي جهتلري نيمه ده؟ بو گلگي "سوزسيزگه" ركنميزده عيني سواللرگه جواب ايزله يميز. عين موضوع ده فكر و ملاحظه بيلديرماقچي بولسنگيز بيزگه اوز تيلفونينگيز رقملريني قالديرينگ! "سوزسيزگه" ركنيميز پنجشنبه كوني لندن ده گي استديوميزده افغانستان وقتي بيلن 6:00 ده يايينلنه دي. فكر و ملاحظه لرينگيزني كوته ميز.