گیتس: امریکا 2009ییل سیلاویده کرزینی چیتله تیش اوچون حرکت قیلگن ایدی

گیتس جنابلری جورج بوش و باراک اوباما حکومتلری دوریده امریکا مدافعه وزیری بولیب خذمت قیلگن. خاطرات کتابی نینگ بیرقمسیده امریکا کرزی نینگ میلادی 2009 ییلده قدرت دن چیتله تیش اوچون سعی قیلگنینی ادعا قیلگن.

شونینگ دیک او، امریکا نینگ بو سعی حرکتینی موفقیت سیز بیرحرکت دیه توصیف له گن.

جمهوررییس کرزی هم نیچه مراتبه شوندی ادعا لر بیلن چیققن ایدی، بیراق واشنگتن میلادی 2009 – ییل سیلاویده طرف سیز بولگنینی اورغولب فقط دموکراسی دن حمایت قیلگینی نی تاکیدله گن.

فارین پالیسی گازیته سی نینگ یازیشیچه، گیتس جنابلری خاطرات کتابیده امریکا نینگ افغانستان بویچه مخصوص وکیلی ریچارد هالبروک سیلاونی ایککینچی دورگه قالدیریلیشی اوچون کرزی رقیب لریدن حمایت قیلگن دیب یازگن.

بوش و باراک اوباما حکومتلری دوریده مدافعه وزیر صفتیده خذمت قیلگن جناب گیتس خاطرات کتابی نینگ بیر قمسیده شوندی یازگن:" همه نرسه یمان ایدی اتفاق داشیمیز افغانستان جمهوررییسی حامدکرزری ابروسیگه فتور یتکزیلدی."

اما آق اوی سوزچسی کایتلین هایدن، گیتس جنابلری نینگ بو ادعالرینی ردایتگن.

میلادی 2010 ییلده دنیادن اوتگن ریچارد هالبروک امریکا نینگ افغانستان وپاکستان بویچه مخصوص وکیلی بولیب میلادی 2009 – ییل بولیب اوتگن سیلاوده اساسی رول اوینه گن ایدی.

امریکا نینگ سابق مدافعه وزیری نینگ ادعا قیلیشیچه:" کرزی نینگ سیلاوده موفق بولمسلیگی اوچون جناب هالبروک جدی سعی قیلدی... او مشهور شخصیت لرنی سیلاوده اشتراک ایتیشنی ایسترایدی بوندن کوزله گن مقصدی هم کرزی نی بیرینچی دورده کامیاب بولمسلیگی ایدی.

میلادی 2009- ییل سیلاوی قلاب کارلیک لر بیلن بیرگه بولگنی ایتیلیب نهایت ایککینچی دورگه قالدیریلدی. بیراق حامدکرزی نینگ رقیبی عبدالله عبدالله دولت نینگ قتیق قاره لب ایککینچی دورده اشتراک ایتمه دی شوباعث جمهوررییس کرزی موفق اعلان قیلیندی.