كابلده گي پوليس تعليم مركزي خادملري مينگن موترگه خودكش هجوم قيليندي

كابل پوليسي سوزچيسي حشمت الله استانكزي نينگ بي بي سيگه ايتيشيچه، مذكور هجومده كميده آلتي پوليس خادمي تن جراحتي آلگن. حادثه پایتخت كابل نينگ شرقي تمانيده يوز بيرگن.

استانكزيگه كوره، خودكش هجومچي بير موترسايكلده مينگن بوليب، تعليم مركزي خادملري نينگ موتريني قابل باي محله سيده نشانگه آلگن.

اونينگ معلوم قيليشيچه، يره لنگن لردن اكثريتي پوليس تعليم مركزي خادملري بولگن.

او شونينگ ديك، خودكش هجومچي نينگ تنه سي پرچه لنيب، اوندن باشقه هيچ بير شخص هلاك بولمه گني ني ايتدي.

حادثه مسووليتي هنوزگچه هيچ بير گروه اوز بوينيگه آلمه گن.