کابللیک لر کیچه تماندن سودا آلیش گه نیگه قیزیق ماقده لر؟

سونگی وقت لرده کونده لیک ایش بیلن شغللنه دیگن کوپلب اهالی کونده لیک تاپه دیگن درآمدلری روزگارخرجتی گه ییتمسلیگی سبب کیچه تاماندن هم ایشلشگه مجبوربوله یاتگن لری مملکت پایتختی کابلده کوزه تیلماقده.

اولر، میدان لرده وقول کراچیسی اوستیده میوه ، کوکت لرواوی احتیاجی گه عاید اشیالرنی ساته دیلر.

بوقتلم ساته دیگن اشیالری دکانلرگه نسبتن ارزان، چونکی مغازه لردیک حکومت گه کراه وسالیق توله مه یدیلر. شونینگ دیک بوقتلم آز منفعت قولگه کیلگن تقدیرده پس نرخده ساته دیلر، شو سبب کمبغل قتلم نی کیچه بولیشیگه قره مسدن بوبازارگه سودا آلیش اوچون جلب ایتماقده.

بازارآچارقیلیش گوجوم محل کوپراق کابل شهری نینگ فروشگاه دیب ناملنگن محل بازاری بولگن.

دریا یانیدن اوتگن یول اوستی عمومن میدان فروش لرتاماندن دییرلی یاپیب قوییلگن، بوییرده بولسنگیز کیچه بولیشیگه قره مسدن ساته دیگن وآله دیگن آدم لردن گوجوم بولگنی نی یقیندن گواه بوله سیز.

سوداآله دیگن لردن بیری نی کیچه تاماندن سودا آلیش گه قیزیقه یاتگنی نی گه سبب نی قوییده گی حکایه قیله دی.

" اسمیم محمد شعیب کیره کلی نرسه لریمیزنی کیچه وکوندوزبولیشیگه اعتباربیرمسدن کیلیب آله میز، میوه آلگنی کیلیب من، آقشام تامانی میدان ده ساته دیگن لر، اوزمیوه لری باشقه کونگه قالمسلیگی اوچون ارزان ساته دیلرنرخی هم پس گه توشه دی"

عبدالرحمن کوندوزدن توتیب کیچقرون گچه ایشی بارلیگی سبب اوی احتیاجی نی کیچه کیلیب آله یاتگنی نی ایته دی.

" کون دوامیده گی ایش نی توگه تیش بیلن چیقیب سواد ساتیق نی کیچه آله من، کوندوزکونی ایشدن چیقه آلمه یمن، هم بو وقتده بوییرده همه نرسه ارزان ساتیله دی، حتی کی اوزنرخی ده ساته بیره دیلر" دییدی او

میدانده میوه وچیوه ساته دیگن لر، ساته دیگن میوه لری اوردن کیترلیگی اوچون تیزراق ارزان نرخده ساته یاتگن لرینی ایته دیلر.

بوحقده آلمه میوه سی آلیب ساته دیگن محمد صابر

"آلمه آلیب ساته من،آله دیلر آزقیمتده آله دیلرهرقنچه ساتسک هم آلمه نی ساتیب آلگن پولدن آشمه یدی، ایرته لب سکیزدن تاکیچه ساعت اونگه قدر بو ایش بیلن شغللنه من، ایرته گه سقله یرده بولمه یدی، ساووق اوره دی وچیریب قاله دی" دییدی او

اوشبو بازارده بومحصولات لرنینگ ارزان نرخده ساتیلشی ایسه کمبغل کیشی لرنی کیچه بازارآچارقیلیش گه اونده ماقده.

"سودانی کیچه کیلیب آله من، امنیتی معما یوق وآله دیگن نرسه لرتونده ارزان بوله دی، مین منه کچالوآلدیم بیر سیرینی 100 افغانی گه ساتیب آلدیم کندوزبیرسیری 150 افغانی " دییدی سودا آله دیگن لردن بیری

بیرمیوه ایمس بوییرده کیچه تامانده ساتیلسه بلکه کییم کیچک و اوی ضرورت لری هم هم ساتیله دی.

کوکت ومیوه لردن باشقه ساتیله دیگن اشیا لرهم باشقه دکان لرگه نسبتن ارزان ساتیله دی.

بوییرده گی کیچگی بازارده کونده لیک ایشلربیلن درآمد تاپیب روزگارخرجتی گه ییتکزه آلمه گن لرنی بوییرده ایشلب اوزموجود معمالرینی حل ایتیش اوچون کته زمینه بولگن.

"اسمیم سکندر قول کراچیسی هیده یمن، ایرته لب توقیزدن کیچقرون گچه ایشله یمن. باله چقه لی من، بیرکوندوزکونی تاپگن درآمدیم روزگارگه ییتمه یدی، خفتن گچه قالیب ایشلشگه مجبورمن، بیرارته نی یوکی بولسه ییتکزه یب بیره من بولسمسه اویگه قیته بیره من". دییدی بوکیشی

کیچقرونگچه بیرکته یاشلی لرسوداساتیق بیلن شغللنمه یدیلر، بلکی بلاغت یاشیگه ییتمه گن کوپلب باله لرهم بوییرده تورلی ایشلربیلن شغللنماقده لر.

"اسمیم عظیراون یاشده من، پلاستیک خریطه ساته من، کیچقرونگچه بوییرده شغللنه من، بوییرده اکم هم پلاستیک خریطه ساته دی، کیین بیرییرده اویگه کیته میز، کیچه وکوندوزده فقط 100افغانی تاپه من"

قیش فصلیده ساووق درجه سی پس لیگی سبب کیچه کیچگچه سودا ساتیق بیلن شغلله نیش اینیقسه یاش باله لراوچون نهایت قیین دیسه توغری کیله دی. اماعایله لر اقتصادلری پسلیگی اوچون باله لرمجبورلیکدن ساووققه قره مسدن ایشلشماقده لر.

اوتگن نیچه ییلده دنیا تاماندن کورسه تیلگن کته مقدارده بولگن یاردم لرگه قره مسدن مملکتده هلی هم کوپلب اهالی اوچون دایمی ایش اورین لری یره تیلمه گن. موجود وضعیت سبب کوپچیلیک اهالی کته راق ایش قیلیش اوچون کیره کلی سرمایه لری بولمه گنی اوچون نی وقت بولیشیگه قره مسدن میدان لرده بوکبی تورلی ایشلربیلن شغلله نیش گه یوزکیلتیره یاتگن لری کونمه کون آشیب بارماقده.