بی بی سی نینگ پشتو تلویزیون خذمتی اوز نشراتی گه باشله دی

Image copyright BBC Pashto

بی بی سی پشتو تلویزیونی بی بی سی پشتو سایتی صحیفه سیده نشر ایتیله دی وافغانستان ده هم شمشاد خصوصی تلویزیون آرقه لی تماشا قیلیش ممکن.

حاضرده بی بی سی پشتو تلویزیونی آرقه لی 15دقیقه لیک افغانستان،منطقه ودنیا ده یوزبیره یاتگن مهم خبری موضوع لر نشر ایتیله دی.

بی بی سی دنیا بوییچه خذمتی نینگ آسیا واورته خاورمنطقه سی مسوولی بهروزآفاققه کوره بی بی سی نینگ اوزاق زمان لرده بیری افغانستانده مخلص لری بولیب ودنیا واقعه لرینی اولرگه ییتکزیب کیلماقده. اوحاضرده افغانستانده کوپلب اهالی تلویزیون گه یوزکیلتیرگن لری سبب قیسقه مدتلی بولسه هم پشتوتیلداشلریمیزگه بی بی سی پشتو تلویزیونی نی ایجاد قیلگن لرینی معلوم قیله دی.

بی بی سی برنامه لری نینگ افغانستاده گی مسوولی لطف الله لطیف گه کوره بی بی سی پشتو تلویزیونی فعالیت گه باشله شی انترنیت وتلویزون آرقه لی خبرلرنی تماشا قیلیش گه قیزیقه دیگن اوچون نهایت مهم بولگن.

اوپشتو تلویزیونی نشراتی باشله نیشی بیلن پشتو تیلی ده ایشیته دیگن مخلص لر سانی نی آشیریش مقصدیده بولگن لرینی ایتدی.

15دقیقه لیک بی بی سی پشتوتلویزیون خذمتی برنامه لری هفته ده دوشنبه دن پنجشنبه گچه محلی وقت بیلن ساعت بیش ده نشر ایتیله دی وشنبه ویکشنبه کونلری عین مدتده هفته خبرلری نی کوزدن کیچیریش ودنیا اقتصادی دن عبارت بولگن ایکی برنامه ترقه تیله دی.

شمشاد تلویزیونی رئیسی فضل کریم فضل گه کوره، شمشاد تلویزیونی خلق ارا رسانه لر بیلن یقینده همکارلیکده بولگنی دن فخرلنه دی.

او بی بی سی پشتو خذمتی اوتمیشده خلق ارا رسانه لرآره سیده اعتبارلی عاموی خبر واسطه سی بولگنی اوچون بو کوتریلگن آدیم هم اهالی اوز وقتیده ینگی معلومات لردن خبردار بولیش لری اوچون اوته اهمیت لی دیب ایتدی.

سونگی آیلرده بی بی سی جهان خذمتی 10 و15 دقیقه لیک تلویزیونی قیسقه برنامه لرنی تورلی تیللر مخلص لریگه فعال قیلیش گه اورینماقده.

حاضر افغانستانده فارسی تیلیده سوزلشه دیگن اهالی اوچون نشر ایتیلیب کیله یاتگن بی بی سی فارس تلویزیونی یانیده بی بی سی پشتو تلویزیونی هم پشتو تیلی مخلص لریگه معلومات بیریش اوچون حرکت قیله دی.

بی بی سی فارسی تلویزیونی بوندن بیش ییل آلدین ایران، افغانستان وتاجیکستان ده گی مخلص لری اوچون فعالیت گه باشله دی.