"ننگرهارده پاکستانلیک طالبان و اهالی اره سیده توقنه شوو دوام ایتماقده"

Image copyright BBC World Service

شرقی ننگرهار ولایتی نینگ اچین و سپین غر اولسواللیک لریده بیرگروه پاکستانلیک طالبان عصیانچیلری و منطقه یشاوچیلری آره سیده بیرهفته دن بیری توقنه شوو دوام ایتیب کیله یاتگنی ایتیلماقده.

محل یشاوچیلریگه کوره، پاکستان لیک طالبان گه تیگیشلی بولگن لشکر اسلام ناملی جنگره گروه آدملری چیرگه نینگ اوتمانیدن اوتیب کیلگنلر.

شونینگ دیک اهالی محلی طالبان قوماندانلریدن بیری اولرنینگ اوتیب کیلیشگه زمینه یره تیب بیرگنینی ایتگن.

سپین بولدک تومن نینگ کینگیتیریش شورا باشلیغی محمد صادق بی بی سی بیلن بولگن صحبتیده اورش باره سیده شوندی دیدی:" تومنلر یوللری اوروشلر باعث باغلنگن، شونینگ دیک بازاده گی دوکانلرهم یاپیق، اوروشلر نتیجه سیده مردم جانی ومالی تلفات کورگن."

قوم باشلیغ لری بوگروه عصیانچیلرنی منطقه دن چیقاریش اوچون حکومت دن یاردم طلب قیلگن.

ننگرهار ولایتی نینگ ولایتی کینگش وکیللریدن بیری ذبیح الله زمری ایککی تومنده یوزبیریب کیله یاتگن توقنه شوو منطقه نی ناتینچ قیلیش اوچون استخباراتی بیر حرکت بولگندیب فکر بیلدیردی.

اونینگ ایتیشیچه اچین تومنیده امنیتی کوچلرهم موجود، لیکن عصیانچیلرنی یوق اتییشگه قادرایمس.

ننگرهار ولایتی نینگ ولایت حاکمی سوزچیسی احمدضیا عبدالزی بی بی سی بیلن بولگن صحبتیده پاکستانلیک طالبان و مردم اره سیده توقنه شوو یوزبیرگنینی تصدیق لب عصیانچیلرنی یوق ایتیش اوچون حرکت لر باشلگنینی تیلگه آلدی.

بوندن الدین لر هم ننگرهار ولایتی نینگ ایریم تومنلریده توقنه شوولر یوزبیرگنی خبر قیلینگن ایدی ، اما پاکستان لیک طالبان عصیانچیلری نینگ بو ولایت تومنلریده کینگ کولمده موجود بولگنی تصدیق له نیشی بیرینچی مرته کوزه تیلماقده.