کرزی: بگرام طالب تیارلش فابریکه سی

Image copyright Reuters

افغانستان جمهورریسی حامدکرزی بوکونگی اوتکزگن مطبوعات انجمنیده بگرام قماقخانه سی طالب تیارلش فابریکه سی بولگنینی اورغوله دی،عینی حالده او صلح اوچون عملی ایشلر باشلنمه گنینی تیلگه آلیب هرقنده ی باسیم اوتکزیلیشی بیلن پیمانگه امضاقوییمسلیگینی تاکیدله دی.

افغانستان جمهوررییسی حامدکرزی بوکونگی اوتکزگن مطبوعات انجمنیده افغانستان تینچلیگی امریکا و پاکستان دولت لری نینگ صداقتلی یانداشیشگه باغلیق بولگنینی اورغولب شوندی دیدی:" امنیتی پیماننی امضا لش اوچون امریکا قوشمه ایالت لری وباشقه اتفاق داشلریدن ایسته یمیز صلح جریانینی باشله سینلر امریکا بیر دولت صفتیده پاکستان بیلن اتفاق داش وهمکار بولیشینی اثبات قیلسین، معلومات وتجربه اساسیده شوندی بیر حجت موجودایمس، ینه هم تکرار ایته من امریکا و پاکستان صداقتلی عمل قیلسه یوزده یوز افغانستان تینچلیک بیلن تامین لنه دی. بو ایککی دولت دن قیسی بیری صداقتلی عمل قیلمسه بو مساله اچیق ایتیلیشی کیره ک."

شونینگ دیک کرزی جنابلری امنیتی پیمان امضاله نیشی اوچون قوییلگن شرطلری انابتگه آلینسه افغانستان ملوک الطوایفی گه ایلنمسلیگینی تیلگه آلدی.همده او گندمک و دیورند کیلیشوو نامه لریگه اشاره قیلیب باسیم و روانی تبلیغات بیلن امنیتی پیمانگه قول قویمسلیگی نی تاکیدله دی :" اوتمیشلردن آلگن درسلری میز و الدینگی قرارداد لر عاقبتلریگه قره گنده افغانستان باسیم وروانی تبلیغات بیلن هیچ بیر پیماننی امضالش گه حاضرایمس، اگرکیته دیلر خدا حافظ لری بوگون کیتسینلر، بیز حیاتیمیز گه دوام بیره میز، نانی میزنی اوزی میز تاپیب امنیتی میزنی هم اوزی میز تامین له یمیز."

همده او تینچلیک تامین لنمه گن تقدیرده، ینه اون ییل افغانستان خلقی ناتو وطلبان هجوملری طفیلی قربان بولیب کیلیشی ممکن لیگینی اورغوله دی.

جمهوررییس کرزی ناتو و امریکا قوشمه ایالت لری نینگ امنیتی پیمان باره سیده گی روانی تبلیغاتی خصوصی تلویزیون لرتمانیدن نشر ایتیلیب کیلنه یاتگنینی تیل گه آلدی. اونگه کوره هربیردولت اوز اتفاق داشی مقابلیده شوندی روانی تبلیغات دن فایده لنمیدی.

کرزی : بگرام طالب تیارلش فابریکه سی

بگرام قماقخانه سیدن قوییب یوباریلگن محبوس لرنینگ قیته طالبان صفیگه قوشیلگنی باره سیده سوال بولگنده کرزی جنابلری بگرام قماقخانه سی طالب تیارلش فابریکه سی دیه جواب بیردی:" بگرام گه گناه سیز انسان لر آلیب کیلینه دی اولر اوییرده اهانت وقیناق آرقه لی شوندی بیراحوالگه توشه دیلرکی وطن، دولت ومردمیگه قرشی توره دیلر.

اما کرزی جنابلری شک سیز ایریم محبوسلر جنایتچی بولگنینی تیلگه آلیب قماقخانه دن ازاد ایتیلگن شخصلر طالبان صفیگه قوشیلگنینی غرب دولت لری تبلیغاتی بولگنینی ایتیب، بیرنیچه کیشی عقده اساسیده طالبان گه قوشیلگن بولیشی احتمال دن اوازق ایمسلیگینی تاکیدله دی.

بوندن قریب بیر یریم آی الدین کابلده مصلحتی لویه جرگه یولگه قوییلیب جرگه اشتراکچیلری امریکا وافغانستان اره سیده امنیتی پیمان امضاله نیشیگه موافق فکربیلدیردیلر، افغانستان جمهورریسی حامدکرزی افغانلر اویلرینی امریکا لیک لر تمانیدن تیکشیریلیشی توخته تیلیب و صلح اوچون عملی قدملر کوتاریلسه امنیتی پیماننی امضاله شینی ایتگن ایدی.

افغانستان وامریکا اره سیده امنیتی پیمان امضالنگن تقدیرده، میلادی 2014 – ییلدن سونگ خارجی کوچلرنینگ افغانستانده فعالیت آلیب باریشلریگه زمینه یره تیله دی.