"مخدره ماده گه قرشی کوره ش اوچون دنیا ومنطقه مملکت لری قیته دن سیاسی سوزبیریش لری لازم "

Image copyright BBC World Service
Image caption افغانستان دولتی انجمنده اشتراک ایتگن مملکت لردن مخدره ماده لرگه قرشی کوره ش اوچون عملی همکارلیک قیلیش لری لازم لیگی نی سوره گن.

بوگون کابلده مخدره ماده لرگه قرشی کوره ش اوچون افغانستان دن تشقری آلتی مملکت وکیللری ییغین یولگه قوییب بوخصوصده چاره وتدبیرآلیش لرینی معلوم قیلگن لر.

افغانستان دولتی انجمنده اشتراک ایتگن مملکت لردن مخدره ماده لرگه قرشی کوره ش اوچون عملی همکارلیک قیلیش لری لازم لیگی نی سوره گن.

اوشبوانجمنده چین، ایران، پاکستان، تورکمنستان، تاجیکستان، اوزبیکستان مملکت لری وکیللری اشتراک ایتگن.

پایتخت کابلده مخدره ماده لرگه قرشی کوره ش اوچون قنده ی چاره کوریلیشی باره سیده قوشنی مملکت لر رسمی لری اشتراک بیلن ایکی کونلیک انجمن یولگه قوییلدی.

بوییغینده افغانستان مخدره ماده لرگه قرشی کوره ش وزیری مبارز راشدی مخدره ماده لرنی آلدی آلیب کوره شیش گه دنیا وقوشنی مملکت لر تمانیدن عملی وجدی اعتبار قره تیلیب قیته دن سوزبیریلیشی لازم لیگی نی معلوم قیلدی.

"اوزگریش آلیب کیله دیگن مساله لردن بیری مخدره ماده لرایکلیشی آزه ییشی لازم،منطقه ده مخدره ماده گه بولگن طلب کمه یسه، مخدره ماده لرنی ایشلب چیقره دیگن کارخانه لرآلدینی آلینسه، چیگره لرنی قوریقلش کوچه یتیریلسه، باجخانه لرقتیق نظارت ایتیلیشی لازم، منطقه ده گی ، ایچکی وخلق ارا قاچاقچی لربیلن قانونی معامله کورسه تیلیشی لازم، مخدره ماده لرنی اورته ایلیتیش کولمی آشیشی کیره ک، منه شومساله لرگه سوزبیریشمیزلازم ویقین همکارلیک ده بولیش یوللری نی تاپیش بیلن انجمن دن کیین اوزگریش لر کیلیشی گه گواه بولسک" دییدی راشدی جنابلری

انجمنده اشتراک ایتگن تاجیکستان نینگ مخدره ماده لرگه قرشی کوره ش ایشلری نی نظارت ایتیش بوییچه اداره باشلیغی رستم شاه نظروف تاجکستان مملکتی مخدره ماده گه قرشی کوره ش اوچون اوز همکارلیگی نی دوام ایتیدریشی باره سیده تاکیدله دی.

"مخدره ماده لرگه قرشی کوره ش مساله سیگه تاجیکستان جدی اعتبار بیریب کیلماقده وافغانستان دولتی بیلن بوخصوصیده اوز علاقه لرینی کوچه یتیریش اوچون حرکت قیلیب کیلماقده، تاجکستان ایسه افغانستانده تیزلیکده تینچلیک اورنه تیلیشی گه طرفدار، بومملکتده، مخدره ماده مساله سی حال ایتیلگن تقدیرده، بو نینگ منفعتی فقط تاجیکستان ایمس بلکی برچه مملکت لرگه تیگه دی". دییدی نظروف جنابلری

اما شونده ی بولسه هم تاجیکستان نینگ افغانستان بیلن چیگره سی کینگ ساحه نی تشکیل بیرگنی اوچون مخدره ماده لرنینگ قاچاقی نی تولیق آلدینی آلیش گه قادر ایمس.

بونگه بومملکتده هم اداری فساد موجودلیگی سبب قیلیب کورسه تیله دی. بوندن آلدین بیرلشگن ملت لرتشکیلاتی مخدره ماده لرنی قاچاق ایتیشده بومملکت نینگ ایریم یوقاری مرتبه لی کیشی لری قولی بولگنی نی معلوم قیلگن ایدی.

افغانستان دنیا ده اینگ کوپ مخدره ماده ایشلب چیقره دیگن مملکت لردن بیری حسابلنه دی. شونینگ اوچون بومملکت چیگره لریدن قوشنی مملکت لرآرقه کوپلب مملکت لرگه قاچاق ایتیله یاتگنی ایتیلیب کیلماقده.

هرچند اوتگن نیچه ییل ده دنیا یاردمی بیلن افغانستان دولتی بوماده نی توبدن یوقاتیش اوچون تورلی برنامه لر یولگه قوییب کیلماقده.

دولت تمانیدن یولگه قوییلگن برنامه لرمخدره ماده ایکه دیگن دهقان لرنی زعفران ایکیش گه ترغیب ایتیب یاردم بیریش واصلاح ایتیلگن اوروغلردن عبارت بولگن.

اما بو برنامه لرایریم منطقه لرده نتیجه بیرگن بولسه لیکن ایریم منطقه لرده نتیجه بیرمه گن.

اما بوانجمن تمانیدن آلینه دیگن قرارقنچه لیک ایش بیرری، افغانستان حکومتی قوشیمچه منطقه ودنیا مملکت لرنینگ اراده لری بیلن باغلیق.