عبدالله عبدالله نینگ هراتده گی کمپاین ترغیبات مسوولی اولدیریلدی

Image copyright a

محلی رسمیلرگه کوره، کیله جک جمهوررییسلیک سیلاو نامزدلریدن داکتر عبدالله عبدالله نینگ هراتده گی کمپاین ترغیبات اعضالریدن ایککی کیشی سی نا انیق قوراللی لر تمانیدن نشانگه آلینیب هلاک ایتیلگن.

بی بی سی نینگ هراتده گی خبرنگاری محمد قاضی زاده نینگ ایتیشیچه بو شخصلر اقشام ساعت سککیز اطرافیده موترسایکل گه مینیلگن قوراللی شخصلر تمانیدن ترور ایتیلگن.

داکتر عبدالله عبدالله نینگ کمپاین تبلیغات سوزچیلردن فاضل سنچارکی فرانسه خبر آژانسی سی بیلن بولگن صحبتیده بو خبرنی تصدیق لب شوندی دیگن:" کمپاین ترغیبات مسوولیتی میزنی هراتده اوز ضمه سیگه آله دیگن داکتر همدرد باشقه بیر یولداشی بیلن هراتده ترور ایتیلدی."

سیلاو تبلیغیی برنامه لر باشله نرایکن، امنیت سیلاولر مقابلیده تورگن اساسی معما صفتیده کورسه تیلماقده. شو اوچون سیلاولر مستقل کمیسیون مسووللری ویوقاری مرتبه لی دولت خادملری و نامزد لر اشتراکی بیلن بیریغین هم اوتکزیلدی.

یاپیق ایشیک لر ارقه سیده اوتکزیلگن یغینده سیلاولر گه عاید موضوع لر محاکمه ایتیلگنی ایتلماقده.

سیلاولر مستقل کمیسیون رهبری احمد یوسف نورستانی سیلاو آلدی تبلیغی برنامه لر جریانیده نامزدلر اوز خوف سیزلیک لری باره سیده تشویشده بولگنینی اورغوله دی.

افغانستان ایچکی ایشلر وزیری محمد عمر داوود زی تینچ فقرا و مقاملر ییللر جریانیده امنیتی تهدید لر بیلن یوزمه یوز ایکنینی تیلگه آلدی. لیکن او، نامزدلر امنیتی نی تامین لش اوچون اساسی چاره تدبیر کوریلگنیگه ایشانچ بیلدیردی.