کابلده عیاللر وسیلاو ملی کنفرانسی آچیلدی

Image copyright BBCPashto.com

عیاللرنینگ سیلاولرده اشتراک ایتیشیده خوفسیزلیک کته تشویش حسابلنه دی.عیاللر و سیلاو ملی کنفرانسده افغانستان بویلب 200 ته عیال قتنشگندی.بو ایکی کونلیک کنفرانس صلح و دموکراسی نامیده گی اداره تمانیدن یولگه قویلگن.

بو موسسه معاونی هوسی وردک، عیاللر بو کنفرانسده آلدیده گی معمالرینی دولت رسمیلری و جمهور رییسلیک نامزدلریگه ییتکزیشی مملکنلیگی نی تاکیدله دی.

اونگه کوره، بو موسسه مسووللری بوندن آلدین افغانستان شمالی وجنوبی ولایتلریده کنفرانس یولگه قوییب، اولر بیلن معمالری باره سیده صحبتلشگن.

خانم وردک نینگ ایتیشیچه، عیاللر اوچون سیلاولرده قتنه شیش نابرقرارلیک اینگ جدی تشویش.

او، سیلاو مرکزلری نینگ اوزاق مسافه لرده جایلشگنلیگی، عیاللر اوچون معمالی ایکنی نی تاکیدله دی.

خانم وردک که کوره، ایرته گه خوفسیزلیک رسمیلری بو کنفرانسده قتنه شیب، عیاللرنینگ بوحقده گی تشویشلرینی برطرف ایتیشی ممکن.

افغانستان ایچکی ایشلر ومدافعه وزیرلیگی 414 سیلاو مرکزی خوفسیزلیگینی تامینلشده قادر ایمسلیگی نی اعلان قیلیشگن.

خوفسیزلیک رسمیلریگه کوره، سیلاولر مستقل کمیسیون طرفیدن اولرگه بیریلگن 6 مینگ و 845 سیلاو مرکزدن 6 مینگ و 431 مرکزنی خوفسیزلیگی نی تامینله شینی وعده قیلگن.

ایتیلیشیچه، عیاللر و سیلاولر ملی کنفرانسی نینگ ایکینچی کونیده، جمهور رییسلیک نامزدلری هم اشتراک ایتیشه دی.

خانم وردک گه کوره، جمهور رییسلیک نامزدلری عیاللرگه کیله جک حکومتده قنده ی اورینلرنی نظرده توتگن.