بی می تی افغانستانده تینچ اهالی تلفات میزانی 14 فایزگه آشگنینی خبر بیردی

2013 ییلده افغانستان ده تینچ اهالیگه شفقتسیز قوراللی جنجللرکته خساره ییتکزگن، دیدی یان کوبیش. بوگون کابلده نشر ایتیلگن بیرلشگن ملتلر تشکیلاتی نینگ گزارشیده 2013 ییلده افغانستانده گی اوروش لرده اهالی تلفاتی اون تورت فایز آشگنی خبرقیلیندی.

گزارشده قربانلرسانی 8615 نفر بولیب، اولردن 2959 ته اولگن و 5656 ته ایسه، یره لنگنی کورستیلگن.

بیرلشگن ملتلر تشکیلاتی تلفاتلر میزانی آشیب باره یاتگنی افغانستانده گی اوروش نی موفقیتلی بولمه گنی نی توصیفلب، بونگه دولتگه قرشی گروه لرنی اینگ کته عامل دیه تاکیدله دی. تشکیلاتگه کوره، تلفاتلرگه بو گروه دن کیین دولت ایکینچی عامل بوله آلیشی ممکن.

بو تشکیلات عصیانچی گروه لرنی 74 فایز تلفات گه مسوول دیب، بولردن 15 فایز خودکش هجوملرده و 14فایزی ایسه، دولت قوراللی مخالفلری تمانیدن اته یلب قتل ایتیلگنلیگی نی ایتگن.

گزارشده دولت کوچلری 8 فایز و خارجی کوچلری ایسه 3 فایز تلفاتگه عیبلنیب، قوراللی مخالفلر و دولت کوچلری ارا روی بیره دیگن توقنه شوولر باشقه اون فایز تلفات گه سبب بولگنی قید ایتیلگن.

دولت قوراللی مخالفلری تمانیدن کون سیین فایده لنه یاتگن قول بمبه لری مینگلب انسان نینگ قربان بولیشی گه سبب بولگن، دییدی بیرلشگن ملتلر تشکیلاتی نینگ افغانستان بوییچه مخصوص نماینده سی یان کوبیش.

بیرلشگن ملتلرتشکیلاتی اوزی نینگ گزارشیده، 2009 دن 2013 گچه عیاللر، قیزلر و باله لراوچون اینگ یامان ییل ایکنینی ایتگن.

شمالی اتلانتیک تشکیلات یا ناتو، بو گزارش نی آلقیشلب، اوزی نینگ اعلامیه سیده جنگریلرنی عادی اهالی تلفاتی گه کوپراق عامل ایکنی نی ایتیب، خلق ارا کوچلر تینچ اهالی تلفاتی آلدی آلینیشی اوچون ییترلی چاره تدبیر کوریب چیققنی نی معلوم قیلگن.

ناتو گه کوره، خلق ارا کوچلر یا آیساف نینگ حساباتیگه اساسآ، تینچ اهالی نینگ 90 تلفاتیگه طالبان مسوول بولیب، اولر منع ایتیلگن ماین لر و انسان حقوقیگه ضد گروهی هجوملردن فایده لنه دی.

اما طالبان گروهی بوحقده بیرار نرسه دیگنیچه یوق.

بیرلشگن ملتلر تشکیلاتی بو گزارش نی تینچ اهالی تلفاتی میزانی نی 2009 ییلده گی واقعه لردن باشلب تیارله گن.