حقانی ترماغی نینگ اوچ اعضاسی قره رویخط گه کیریتیلدی

Image copyright Reuters
Image caption مریکا مالیه وزیرلیگی حقانی ترماغی نینگ اوچ اعضاسی نی اوشبو وزیرلیک قره رویخطی گه کیریتگن.

امریکا مالیه وزیرلیگی حقانی ترماغی نینگ اوچ اعضاسی نی اوشبو وزیرلیک قره رویخطی گه کیریتگن. وزیرلیک بیاناتیده بو اوچ شخص حقانی ترماغی نینگ مالی مسووللریدن بولگنی معلوم قیلینیب، خطرلی خلق ارا تروریست لر دیه تاکیدلنگن.

بو شخصلر اسملری سعدالله جان، یحیی حقانی ومحمد عمر بولگنی اعلان قیلینگن،امریکا مالیه وزیرلیگی بوشخصلر حقانی ترماغی نینگ مهم اعضالریدن بولگنینی معلوم قیلگن.

امریکا مالیه وزیرلیگی نینگ خبربیریشیچه بو شخصلر نینگ بانکی حساب لری باغلنیب، اولر بیلن معمامله قیلیش غیر قانونی بولگنی خصوصیده امریکالیک لرگه معلومات بیریلگن.

امریکا مالیه وزیرلیگی گه کوره ، بوندن الدین هم حقانی ترماغی نینگ 11 اعضاسی قره رویخط گه کیرتیلگن. افغانستان حکومتی و خلق ارا کوچلر معلوماتی اساسیده حقانی ترماغی طالبان بیلن گروهی بیلن یقین علاقه ده بولیب پاکستان نینگ وزیرستان منطقه لریده فعالیت قیلیب کیلماقده.

ناتو کوچلری، امریکا نینگ کابلده گی ایلچی خانه سی وایریم دولتی اداره لرده قطار انتحاری هجوملر حقانی ترماغی تمانیدن سونگی وقتلرده ایوشتیریلگنی ایتیله دی.

میلادی 2011 ییلده ناتو سوزچیسی حقانی ترماغی نینگ پاکستان استخبارات اداره سی و القاعده ترماغی بیلن علاقداربولگن لیکده عیبله گندی.