جوزجان ده ساووقدن اولگنلر سانی 29 نفر دیب اعلان قیلیندی

Image copyright BBC World Service
Image caption بو طبیعی حادثه ده اونلب قیشلاق یوللری کیسیلیب قالگن.

افغانستان شمالیده بیر هفته دوامیده تینمه ی یاققن قه لین قار عاقبتیده جوزجانده 25 ته باله، ایکی عیال و ایکی ته ایرکک حیاتی نی قولدن بیرگن.

بیش یوز دن آرتیق عایله ضررلنگن.

مذکور آدملر جوزجان نینگ درزاب و قوش تیپه تومنلریده هلاک بولیشگن.

بو ایکی تومن نینگ اوزاق مسافه ده جایلشگنی ایتیله دی.

جوزجان محل مسووللری، ساووقدن ضررلنگن عایله لرگه تیز یاردم ییتکزیب بیریشگه حرکت قیله یاتگنلیکلرینی ایتیشگن.

بو طبیعی حادثه ده اونلب قیشلاق یوللری کیسیلیب قالگن.

حادثه ده درزاب و قوش تیپه تومنلریده 533 عایله گه خساره ییتگن. بوندن سکیزته سی نینگ تورر جایی بوتونلی ویران ایتیلگن.

جوزجان ولایتی اورین باسری عبدالرحمن محمودی نینگ بی بی سی ایتیشیچه، اولر دولت و نا دولت تشکیلاتلریدن ضررلنگن عایله لرگه یاردم ییتکزیب بیریشی سوره گن.

اونگه کوره، قاردن ضررلنگن 500 عایله اوچون آذیق آوقت و ایسیق کییم کیچک ییتکزیب بیریشگه تیارلنگن.

اما او قیشلاق لر و قتناو یوللرنینگ یاپیلیب قالگنی، یاردم ییتکزیش یبریش جریانی نی سسته یتیرگنینی ایتگن.

حادثه ده کمیده 42 قیشلاق نینگ قتناو یولی شبرغان شهری بیلن باغله نیب قلگن.

عین حالده، بو ولایتی طبیعی حادثه لرگه قرشی کوره ش کمیته سی، تخنیکی واسطه لر آرقه لی یوللرینی آچه یاتگنلیکلریدن معلومات بیردی.

بو حادثه ده، ولایت رسمیلری گه کوره، کمیده بیر مینگ قاره مال نابود بولگن. اما جوزجان چاروادارلری قاره مال تلفاتی اوچ مین دن آرتیق ایکنی نی ایتیشماقده.

بوندن آلدین افغانستان طبیعی حادثه لرگه قرشی کوره ش کمیته سی جوزجان، بخشان، بامیان و قندوز ولایتلریده 41 نفر ساووقدن حیاتینی قولدن بیرگنی نی اعلان قیلگندی.

بو کمیته جوزجانده روی بیرگن تلفاتلرسانی نی 14 نفر دیب، 500 دن آرتیق قاره مال نابود بولگنی نی معلوم قیلگندی.

بیر هفته تینمه ی یاققن قار و ساووق، شمالی ولایتلر اکثر قتناویوللری نینگ کیسیلیب قالیشیگه سبب بولدی.

افغانستان تاغلی بیر مملکت بولگنی سبب، قیش قتیق کیلیب، زلزله، سیلاب، قار کوچیش، بوران و باشقه طبیعی حادثه لرگه گواه بوله دی.

مملکت دولت اداره لری نینگ بیرگن معلوماتیگه کوره، 1970 دن 2012 ییلگچه فقط سیلاب یوز بیرگنی عابقتیده افغانستان گه کمیده 597 میلیون دالر خساره ییتگن.

حساباتگه اساسآ، 2012 ییلده 195 تومنده کمیده 383 طبیعی حادثه یوز بیریب، 478 انسان نینگ اولیمیگه سبب بولگن.