اوروپا اتفاقی افغانستانده جزا قانونی عملده جاری ایتیلیشیگه قرشیلیک بیلدیرماقده

اشتون: بو قانون افغانستانده عیاللر وباله لرگه قرشی زوره وانلیکلر عامللری نینگ جزالنمسلیگی سبب بوله دی.

اوروپا اتفاقی افغانستان ده جزا قانونی گه اوزگریش کیریتیلگنی نی آرتگه چیکینیش دن دلالت بیره یاتگنی نی ایتگن.

قانون نینگ 25 و 26 ماده لریده اوزگریش کیریتیلگن حالده، عایله اعضالری عایلوی زوره وانلیک لرگه قره شلی دوسیه لر باره سیده محکمه ده گواه لیک بیره آلمه یدی.

عیاللر و باله لر عایله وی زوره وانلیکلرنینگ قربانی حسابلنه دی. بو زوره وانلیکلردن قتل، قییناق و جنسی زوره وانلیکلر کیلیب چیقه دی، اما اولرگه گواه بوله دیگنلر عایله اعضالریدن باشقه بوله آلمه یدی.

قانون نینگ بوماده سیده اوروپا اتفاقی ملازملری گه کوره، محکمه ده عایله وی زوره وانلیک دوسیه لری توغریسیده گواه لر عایله دن تشقری بولیشی کیره ک.

اوروپا اتفاقی نینگ تشقی سیاست مسوولی کاترین اشتون نینگ ایتیشیچه، افغانستانده عیاللر حقوقی تامینلنیشی توغریسیده گی کوره ش و عدالت نی آرتگه چیکینتیریش دیر.

اونگه کوره، مذکور قانون زوره وانلیک عامللری نی حبسگه آلیش جریانی نی توسه دی.

افغانستانده عیاللر حقوقی نی حمایه ایتووچی فعاللر هم بو حقده تشویشده ایکنلیکلرینی ایتیشگن.

بو قانون افغانستان پارلمانیده تصدیقلنگن، حامدکرزی بونی 15 کون ایچیده رد ایتمه گن تقدیرده، کیریتیلگن اوزگریش بیلن عملده جاری ایتیلیشی ممکن.

اما عدلیه وزیرلیگی رسمیلری، عیاللر حقوقی نی حمایه ایتووچی و اروپا اتفاقی تشویشلرینی قانون نینگ 25 و 26ماده لری دن کیلیب چیققن انگلنماوچیلیک دیه تاکیدله گن.