قندوزده یوزبیرگن انتحاری هجومده ایککی تینچ فقرا هلاک بولدی

Image copyright

قندوز ولایتی نینگ خان آباد تومن حاکمی عبدالمنان هزاره اوشبو اولسواللیکده یوزبیرگن انتحاری هجوم نتیجه سیده ایککی تینچ فقرا هلاک بولیب وباشقه آلتی کیشی یره لنگنینی تصدیق له دی.

خان آباد تومن حاکمی مذکور انتحاری هجومده بیر پلیس موتری و تینچ فقرا مینیگن ایککی موتر خساره کورگنینی ایتگن. حاکم نینگ ایتیشیچه انتحارچی موترسایکل گه مینگن بولیب پلیس موتری نی نشانگه آلیش نیتیده ایکن، بیراق هدف گه ایریشمی اوزینی پارتلتگن.

هزاره جنابلری نینگ ایتیشیچه، پلیس کوچلریگه ضرر یتمی ایککی تینچ فقرا قربان بولگن. هلاک بولگن لردن بیری پارتلش یوزبیرگن محل و باشقه بیری هم کسلخانه گه آلیب باریلگنیدن سونگ جان بیرگن.

قندوز افغانستان نینگ ناتینچ ولایت لریدن بیری بولیب الدین لرهم شوندی انتحاری هجوملرگه گواه بولگن.