جهادی رهبرلر اشتراک سیزلیگی بیلن شورالر اتفاق کوچلری نینگ چیقیب کیتیشی نشانلندی

سابق شوروي اتفاق قوشني نینگ افغانستان نی ترک ایتگن و چیقیب کیتگنيگه برابر ییگرمه بیش ییلل بولدي. بومناسبت بیلن پایتخت کابلده جهادی رهبرلر اشتراک سیزلیگی ده يیغین اویوشتیریلدی.

یيغین اشتراکچیلری جهاد رهبرلرينی قتیق قاره لب، سابق شورالر اتفاقی چیقیب کیتگنیدن سونگ، مرکزی حکومت ایجاد ایتیشگه قادر بولمه گنليگي اوچون قاره له گن. شونینگ دیک اجتماعی ترماقلرده هم کوپچیلیک افغانلر سابق شورالر اتفاق قوشنلری نينگ چیقیب کیتیشی بار ه سیده فکر بیلدیرگن.

بو یيغين سابق شورالر اتفاقی نینگ افغانستاندن چیقیب کیتیشی نینگ 25 ییللیگی مناسبتی بیلن یولگه قوییلگن، اما سابق شورالر قوشینلری چیقیب کیتگنیدن سونگف افغانستان ده یوزبیرگن نا برقرارلیک و ایچکی اروشلرگه غرب اینیقسه امریکا دولتی سبب بولگن دیب فکربیلدیریلدی:"غرب مطبوعاتی شورا اتفاق کوچلری مغلوبیت گه اوچره می مجاهدلرنی نجات فرشته سی دیب تبلیغ قیلرایدی ؛ لیکن شوراق اتفاقی چیقیب کیتیشی بیلن یاردملرنی کیسیب قوییدی. مجاهدلر ایچکی اوروشلرگه باشقریلدی. بولرنی همه سی گه امریکا و اتفاق داشلری سبب بولگن."

بو مراسم اسلامی اخوت ناملی كينگش تمانیدن یولگه قوییلگن ایدی. سابق شورالر قوشینلري نینگ چیقیب کیتیشی ناتو باشچلیگیده گی خلق ارا کوچلرنینگ چیقیب کیتیش آستانه سیده نشانلنماقده. اسلامی اخوت كينگشي رییسی مولوی حبیب الرحمان حسام بو ایککی چیقیش باره سیده شونده ی فکربیلدیردی:"او زمان هم توپراغی میز اختاریمیزده ایمس ایدی بوگون هم، اوشبو زمانده هم دین گه قرشی تبلیغ بولرایدی بوگون هم دین قدریت لریگه قرشی تبلیغ لر دوام ایتماقده. سابق شورا اتفاقی ملتی میزنی قربان قیلرایدی حاضر هم بو وضعیت دوام ایتماقده."

مراسمده سوزیوریتگن ایریم کیشیلر شورالر اتفاق کوچلری چیقيب کیتگنیدن سونگ، جهاد رهبرلري افغانستانده کوچلی بیر حکومت ایجاد ایتیشده قادر بولمه گنلیک لری باعث، اولرنی قیتق قاره لب چیقدی.

یيغین اشتراک چیلريدن باشقه بیری عبدالخالق خلیلی بو مناسبت بیلن کینگ مراسم لر یولگه قویلیشی کیره ک لیگینی تاکیدله دی:"بو کون مناسبتی بیلن ملی جشن آلیشی میز کیره ک ایدی. کوتیلگنیچه شو مناسبت بیلن یولگه قوییلگن مراسم خلق نی قانیقیتره آلمیدی. بوتاریخی کون ایسدن چیقاریلمه سین شو اوچون افغانستان بویلب نشانله نیشی لازم."

اون ییللیک اورش دن سونگ سابق شورا اتفاق کوچلری 1367 – دلو آی نینگ 26 سیده افغانستاننی ترک ایتدی. هرچند شورا اتفاق قوشنلری چیقیب کیتیشی بیلن افغانستانده تینچلیک تامین لنیشیگه امید بیلدیریلرایدی بیراق عکسینچه مجاهدلر اره سیده ایچکی اوروشلر باشلنیب کیتدی. اوندن کیین طالبان عصیانچیلری قدرتگه کیلیب افغانستان القاعده ترماغی نینگ اساسی فعالیت مرکزیگه ایلنگنی ایتیلدی. بو وضعیت ایسه خلق ارا اتفاق کوچلری نینگ افغانستانده کیلیشگه زمینه یره تدی. کورنیشیچه حاضرگه قدرهم تینچلیک تامین لنمه گن. ایندی لیکده خلق ارا اتفاق کوچلری هم افغانستاننی ترک ایتماقده.