"حیرتان شهرچه سیده روسلرنینگ سونگی چاکلیتی"

Image copyright BBC World Service
Image caption نور و اونینگ ایری هم 1989 ییل حیرتان کوپریگی گه کیلیشگن.

افغانستان شمالیده گی حیرتان شهریده یشی دیگنلر بو ییل بوندن 25 ییل اول کیچگن واقعه لرنی کوپراق ایسلشماقده.

1989 ییل نینگ 15 فبروریده محسین صابری 15 یاشلی اوسمیر ایدی.

او آته سی بیلن شورالرنینگ سونگی تانکلری حیرتان کوپریکلریدن اوزبیکستان تمان اوتیب کیتگنینی کوزتدی.

"آدملر اولرنینگ ایککی یقه سیده توریب خیرلشردیلر... عسکرلردن بیری بیزگه قره تیب شاکالدلر ایرغیته باشله دی. بو مینینگ سونگی شورا شاکاله دیم ایدی"، دیب خاطره له یدی او.

محسین نینگ آته سی روسلرنینگ کیتیشینی ایسته مس ایدی. اولر کیته دیگن بولسه وضعیت یامان بوله دی دیب بشارت قیلردی.

حاضر محسین قیرق یاشده. اوغلی نینگ یاشی 17 ده و او بیر کون کیلیب مینینگ فرزندیم هم آرتگه قره ب افسوسلنیشی نی ایسته مه ی من دییدی.

اونینگ ایتیشیچه، حیرتانده گی باجخانه خذمتیده ایشله یدیگن برچه همکسبلری بوگون خواطرگه توشیشگن.

ناتونینگ مملکتدن چیقیب کیتیشی ینه افغانستانگه سلبی تاثیر قیله دی دیگن خواطر کوچلی.

نورضیا نینگ هم فرزندلری خواطرگه توشگنلر.

اولرنینگ دوستی تنیشلری خارجی کوچلر چیقیب کیتیشی بیلن اولرنینگ یخشیگینه معاش توله یدیگن ایشلریدن جدا بولیشدی.

نور و اونینگ ایری هم 1989 ییل حیرتان کوپریگی گه کیلیشگن.

شورالر کیتیشی بیلن باشلنگن تلاتوپلر طفیلی اولر اوز باش پنه لریدن اجره لیشدی.

اما بو گل وضعیت باشقچه دییشدی اولر.

"خلق ارا همجمعیت نینگ افغانستانده گی وظیفه سی هلی توگه گنی یوق"، دییدی نورضا.

"قوشنلر چیققنی بیلن اولرنینگ افغانستان گه یاردمی توختب قالمه یدی. تیروریزیم دیگن بلاه بار ایکن، اولر افغانستان نی اعتبارسیز قالدیریشمه یدی".

اکثریت محلی اهالی اوچون ناتونینگ مملکتدن چیقیب کیتیشی روزغار تیبره تیشنی آغیر قیلیب قویه دی.

اوتگن اون ییل ایچیده حیرتان آمودریا آشه اوزبیکستان گه اوزنگن کوپریک دن یخشیگینه درآمد کوردی.

عین شهرچه مهم ترانسپورت یوله گی و سودا مرکزی گه ایلندی.

افغانستان نینگ قریب یریمی صادرات حجمی شو ییردن اوته دی.

کیله جک آیلرده خوددی شو کوپریکدن ناتو نینگ بعضی کروانلری هم مملکت نی ترک ایته دی.

ضابط فریدون چیگره چی.

او ناتونینگ کیتیشی بیلن چیگره چیلرگه بیریله دیگن معاش نیمه بوله دی دیب قیغوره دی.

"بیز برچه نرسه ده خارجی قشونلرگه قره م بولیب قالگنمیز"، دییدی او.

"اولر کیتسه نیمه قیله میز، بیلمه ی من..."

برچه افغان پولیسی بوگون خلق ارا دونر مملکتلردن معاش آله دی.

2014 ییلدن کیین امریکا کانگریسی افغانستانگه یاردم مقیاسینی کیسکین کمه یتیریشی کوتیلماقده.

فریدون نینگ خواطرلری عینی معناده اورینلی بولیشی ممکن.

اما حاضرچه فریدون خوشبین.

اونینگ ایتیشیچه، شورالر و امریکا اصطلاح لری اورته سیده ییریک فرق بار ایدی.

امریکا افغانستانگه قانونی بیر شکلده کیردی دییدی او.

نیمه بولگنده هم فریدون کیله جککه امید بیلن قره شینی ایته دی.

باشگه توشگنینی کوز کوردی"، دییدی.