افغانستان دولتی 14 ایرانلیک محبوس نی قوییب یوباردی

Image copyright AP
Image caption ایران 300 افغانستان لیک محبوس نی مملکتیگه قیته ریشی نی وعده قیلگن.

افغانستان تشقی ایشلر وزیرلیگی، افغانستان ده قماققه آلینگن اون تورت ایرانلیک محبوس، ایرانگه قیته ریلگنی نی ایتگن. بو وزیرلیک رسمیلری نینگ بی بی سی گه ایتیشیچه، بو محبوسلر، ایکله مملکت ارا محبوسلرنی آزاد ایتیش بوییچه شرطنامه اساسیده قوییب یوباریلگن. رسمیلرگه کوره، ایران دولتی 28 محبوس نینگ قوییب یوباریلیشی نی سوره گن، اما اولر فقط اون تورته سینی آزاد قیلیشگن. باشقه تماندن، افغانستان تشقی ایشلروزیرلیگی ایران ده گی افغان محبوسلری نینگ دوسیه لرینی تیکشیریش اوچون ایران گه هییت جونتگن. محبوسلرنی قوییب یوباریش شرطنامه سی بوندن 9 آی آلدین ایکله مملکت رهبرلری تمانیدن اعلان ایتیلدی. اما ایلکبار افغانستانده گی ایرانلیک محبوسلر اوز مملکتی گه یوباریلماقده. افغانستان تشقی ایشلروزیرلیگی سوزچیسی احمد شکیب مستغی، ایران نینگ کابلده گی ایلچیسی جمهور رییس کرزی بیلن اوچره شیب، 28 محبوس نینگ قویب یوباریلیشینی طلب قیلگن، اما محبوسلردوسیه لرینی تیکشیرووچی قوشمه کمیته فقطگینه 14 محبوس نی آزاد قیلیشگه قرار قبول قیلدی دییدی:"محبوسلرنینگ دوسیه لرینی تیکشیریش بوییچه تشکیل ایتیلگن قوشمه کمیسیون، ایرانلیک محبوسلردن اون تورته سینی قوییب یوباریلیشیگه قرار قبول قیلدی. بو اون تورت محبوس شرطنامه گه قید ایتیلگن شرایط اساسیده آزاد قیلینیب، ایران تمانیگه تاپشیریلدی". مستغی جنابلری، مذکور محبوسلر افغانستان ده قنده ی جنایتلرگه قول اورگنی باره سیده تفصیلات بیرمه دی. ایکله مملکت ارا عملگه آشیریلگن شرطنامه گه آساسآ، جزا مدتی آلتی آی دن آزیراق قالمه گن محبوسلر مملکتی گه قیته ریله دی. اما ایران افغانستانلیک محبوسلرنینگ قوییب یوباریلیشی خصوصیده قنده ی قرار قبول قیلگن؟ مستغنی گه کوره، افغانستان عالی محکمه رییسی ایرانگه قیلگن سفریده او ملمکت رسمیلری بیلن اوچره شیب، اولر 300 افغانستان لیک محبوس نی مملکتیگه قیته ریشی نی وعده قیلگن. اونینگ ایتیشیچه، بو محبوسلر دن 200 ته سینی ایرکک و یوزته سینی عیاللر تشکیل بیره دی. او شونینگ دیک، افغانستان تشقی ایشلروزیرلیگی ایران ده گی افغان محبوسلرنینگ دوسیه لرینی تیکشیریش اوچون، تهران هییت جونه تیلگنی نی معلوم قیلدی:" افغانستان قونسیلخانه سی خادملریدن ایکی کیشی ایران سفر قیلدی، اولر ایران نینگ قماقخانه لرینی کوریب چیقه دی.. کیین اولرنینگ آزاد ایتیلیشی باره سیده قرار قبول قیلیشه دی". ایران ده قنچه افغان محبوس بارلیگی انیق ایمس، و ایران دولت رسمیلری هم افغانستان ده گی ایرانلیک محبوسلر سانی باره سیده انیق معلومات موجود بولمه گنی نی ایتیشماقده لر. اما حساباتگه کوره، کمیده اوچ مینگ افغان ایران قماقخانه لریده جزا مدتی نی اوته یاتگنلیگی ایتیله دی.