افغانستان چیندن بومملکت نینگ امنیتی کوچلرینی حمایت ایتیشی نی طلب قیلدی

چین تشقی ایشلر وزیری افغان حربی لرینی جهازلشتیریش وتعلیم بیریش یاردملرینی دوام ایتدیریشدن سوز بیرگن. باشقه تاماندن افغانستان تشقی ایشلر وزیری چین دن افغانستان وپاکستان اورته سیده گی علاقه لریخشی له نیشی گه هم یاردم بیریشی نی سوره گن.

افغانستان و امریکا ارا خوف سیزلیک بتیم تقدیری نامعلوم قالگن بیرحال ده چین تشقی ایش لر وزیر وانگ یی کابل گه سفر قیلگن.

چین تشقی ایشلر وزیری وانگ یی افغانستان تشقی ایش لر وزیری ضرار احمد عثمانی بیلن اوچرشکن دن سونگ ، خبری یغین ده قتنشیب چین مملکتی افغان حربی لرینی جهازلنتیریش و تعلیم بیریش ده اوز همکارلیک لرینی دوام ایتتیریشی نی سوزبیردی.

وانگ جناب لری افغانستان نی چین نینگ مهم قوشنی سی اتب بو مملکت ده تنچلیک و برقرارلیک مستحکم له نیشی اوچون هرقندای همکارلیک ویاردم یتکزیش ده تیار ایکنی نی اعلان ایتدی.

امریکا و افغانستان ارا خوف سیزلیک بتیم باره سیده چین نینگ نقطه نظری نیمه بولگنی چین تشقی ایش لر وزیردن سوره لدی وانگ جناب لری چین افغان لر قراریگه حرمت قویب یاردملری هرقندی شرایط ده دوام ایتیشینی معلوم قیلدی

افغانستان تشقی ایشلر وزیری ضرار احمد عثمانی امریکا و افغانستان ارا خوف سیزلیک بتیم باره سیده مذاکره لر دوام ایتب کیله یاتگنینی تیلگه آلیب امنیتی پیماننی تیز آره ده امضاله نیشی گه امید بیلدیردی.

او شونینگدیک چین دولتی نینگ تجارت بویچه اساسی رولی بارلیگینی ایتیب، پاکستان وافغانستان علاقه لرینی یخشی لشتیرش اوچون چین دولتی نینگ همکارلیگینی طلب قیلدی.

افغاستان اوزی نینگ شمال شرقی قوشنی سی چین بیلن یخشی اقتصادی علاقه گه ایگه بو علاقه سی کون اوتیشی بیلن رواج لنیب بارماقده . چین اقتصاد نظردن حاضرچه اسیا ده برینچی و جهان بویلب ایککنچی قدرت سنله دی .بو مملکت اوتکن اون ییل دوامی ده افغانستان نینگ کان لر ساحه سیده کتته سرمایه یاتقیزگن .