گل آقا شیرزی: هیچ بیر نامزد منفعتی گه اوتمه یمن

جمهوررئیسلیک نامزدلردن احمد شفیق گل آقا شیرزی نینگ معلوم قیلیشیچه اوسیلاواخیریگچه قالیب هیچ بیر نامزد منفعتی گه اوتمسلیگی ممکن.

جمعه کونی کابلده اوتکزیلگن خبری انجمنده او بوسوزلرنی تیل گه آلدی.

افغانستان جمهور رئیس نامزد لریدن شیرزی جنابلری مین جمعیت نینگ تورلی قشرلری حمایتی نی قولگه کیلتیرگن من دیب ایتیب، باشقه بیر نامزد منفعتی گه اوتیشیم اوچون اوزلریگه ییترلیچه آوازلری بولمه گن لر تاماندن ایلگری سوریله یاتگنی نی تیل گه آلدی.

شونینگ دیک او افغانستان جمهور رئیسی وسیلاولر مستقل کمیسیونی دن بوجریانگه بی طرف قالیش لرینی ایسته دی.

شیرزی جنابلری سیلاوگه قلابگرلیک یوزبیرگن تقدیرده کرزی جنابلری وسیلاولر مستقل کمیسیونی بونگه مسوول بولیشی ممکن دیدی.

جمهوررئیس لیک نینگ بو نامزدی گه کوره دولت نینگ ایریم رسمی لری زلمی رسول وباشقه نامزدلردن حمایت ایته یاتگن لرینی ایچکی ایشلروزیرلیگی وکرزی جنابلری بیلن اورته گه قویگن.

او تیزلیکده بو کیشی لر دولت لوازمیدن برطرف ایتیلیشی نی طلب قیلدی.

تصدیق لنمه گن خبرلرگه کوره اوتگن 24ساعتده گل آقا شیری وباشقه بیرنیچه نامزدلر ایسه ، نامزدلردن بیری نینگ منفعتی گه اوتیشی باره سیده اجتماعی ترماق لرده ایریم موضوع لر نشر ایتیلگن ایدی.

شیرزی مناسبتی هم بو میش- میشلرگه جواب بولیشی ممکن لیگی تاکیدلنماقده .

حالبوکی نامزدلرنینگ بیر- بیرگه اوتیش باره سیده گی سعی وحرکت لر شدت بیلن دوام ایته یاتگنی ایتیله دی، اما بو نامزدلرنینگ سیلاوبوییچه مسووللری بو خصوصده سکوت سقله ماقده لر.