ایچکی ایشلر وزیرلیگی: سرپل ولغمانده اونلب آوازبیریش مرکزی امنیتی تامینلندی

افغانستان ایچکی ایشلروزیرلیگی امنیتی تهدیدلر سبب مملکت بویلب آچیلمه گن 390آواز بیریش مرکزیدن ینه 24مرکزنی امنیتی تامین لنگن لیگی دن خبر بیرگن.

بومرکزلردن 16مرکزسرپل ولایتیده و8 آواز بیریش مرکزی هم لغمان ولایتیده جایلشگن.

بووزیرلیککه کوره بو 24مرکزایسه اوتگن بیرهفته ده یولگه قوییلگن قطارحربی عملیات لرنتیجه سیده اونلب قوراللی هلاک ایتیلیب وتوتقونگه آلینگدن کیین امنیتی تامینلنگن.

اوتگن بیر هفته ده افغانستان خوف سیزلیک کوچلری بولیب اوتیشی کوتیله یاتگن سیلاو امنیتی تامین لش وسیلاوتهدیدلری نی برطرف ایتیش مقصدیده 60حربی عملیات اوتکزیلیب نتیجه ده 24سیلاومرکزی امنیتی تامینله نیب وقوراللی لرگه آغیر تلفات ییتکزیلگن.

افغانستان ایچکی ایشلر وزیرلیگی سوزچیسی صدیق صدیقی گه کوره اوتکزیلگن اوشبو عمیات لرنتیجه سیده85قوراللی هلاک ایتیلیب و49 کیشی هم توتقونگه آلینیب و اونلب ماین وقورال هم دولت کوچلری قولیگه توشکن.

"اوتگن هفته یولگه قوییلگن حربی عملیات واهالی یاردمی بیلن سرپل ولایتی دن کوپلب مرکزلرنی فعال قیلدیک، بو ولایتده باشقه ولایت لرگه نسبتن آچیلمه گن آوازبیریش مرکزلرسانی آز ایدی. سرپل ولایتی ده امنیت تامین لر بومرکزلرگوسفندی، سنگچارک، سوزمه قلعه وکوهستان اولوسوالیک لری بولگن، عین پیتده باشقه8مرکزهم لغمان ولایتی نینگ علیشینگ ودولت شاهی تومن لری ده فعال ایتیلدی" دییدی افغانستان ایچکی ایشلر وزیرلیگی سوزچیسی صدیق صدیقی

شونینگ دیک افغانستان ایچکی ایشلروزیرلیگی قالگن 366مرکزنی فعال قیلیش اوچون هم قطار سعی وحرکت لر یولگه قوییلیشی نی معلوم قیله دی.

بوندن بیرهفته آلدین هم ایچکی ایشلروزیرلیگی تمانیدن 24آوازبیریش مرکزامنیتی تامین لنگنی اعلان ایتیلگن ایدی.

عین پیتده افغانستان ایچکی ایشلروزیرلیگی سوزچیسی صدیق صدیقی بوندن آلدین ایریم نامزدلر منفعتی گه فعالیت قیلیش باره سیده عیبلنگن 12پلیس دن 8ته سی گه قوییلگن عیبلاولرحقیقت بولگنی سبب بوگون اسم لرینی اعلان ایتیب واوز وظیفه لریدن برطرف ایتیلگنلری نی خبر بیردی.

کیلگوسی جمهور رئیس لیک اوچون سیلاو ترغیبات ایشلری باشلنگنیدن 3هفته اوتماقده، نامزدلردن هر بیری اهالی حمایتی نی کوپراق اوزلریگه جلب ایتیش مقصدیده کمپاین لرینی مملکت نینگ هربیر حدودیده یولگه قوییب بارماقده لر.

کیلگوسی جمهور رئیس و ولایت کینگش سیلاولری 1393ییل 16حملده بولیب اوتیشی کوتیله دی.