جوزجان ولایتی نینگ میرویس مینه منطقه سیده ایککی عیال بوغیب اولدیریلگن

Image copyright bbc uzbek
Image caption حادثه ایسه کیچه تمانی یوزبیرگن بولیب امنیه قوماندانلیگی تمانیدن تحقیقات ایشلری باشله تیلگن.

سرپل ولایتی نینگ چشمه شیرین ناملی منطقه سیده ملی پولیس، ملی اردو و ملی امنیت اداره سی تمانیدن قوشمه حربی عملیات یولگه قویلگن.

سرپل محل مقاملری حادثه اوشبو ولایت مرکزیگه تیگیشلی چشمه شیرین ناملی منطقه ده عملگه آشگن بولیب نتیجه ده قوراللی طالب لرنی سید آباد اولسواللیگی اوچون تعین بولگن ملاظاهر، طالب لر سرگروپی بولگن ملا ملنگ و باشقه بیر طالب اولیب همده باشقه 5 طالب یره دار بولگن.

سرپل امنیه قوماندان لیگی امنیت آمری سخیداد حیدری نینگ معلوم قیلیشیچه، مذکور کیشی لر مینطقه ده عصیانگرچیلیک عمللری و اهالی نی آزار و اذیت قیلیش بیلن مشغول بولگنلر، انه وشو باعث قوشمه حربی عملیات یولگه قویلگن.

عینی دمده عملیات نتیجه سیده چشمه شیرین شامل 5 قشلاق قوراللی طالب لر موجودلیگیدن تازه لنگن بولیب مذکور مینطقه لرده حاضر هم قوشمه حربی عملیات دوام قیلیب کیله یاتگن لیگی نی تایید قیله دی سخیداد حیدری.

باشقه بیر خبرگه کوره، جوزجان ولایتی نینگ میرویس مینه مینطقه سیده بیر عیال قیزی بیرگه لیگیده نامعلوم کیشی لر تمانیدن بوغیب اولدیریلگن.

حادثه ایسه کیچه تمانی یوزبیرگن بولیب امنیه قوماندانلیگی تمانیدن تحقیقات ایشلری باشله تیلگن.

جوزجان امنیه قوماندان لیگی سوزلاچی سی منان رووفی حادثه نی تایید قیلیب حاضرگه قدر حادثه گه عیبدار هیچ بیر کیشی اوشلنمه گن لیگی نی بیان ایته دی.

سونگی وقتلرده جوزجان ولایتیده خاتین قیزلرگه قرشی زوره وانلیک لر سانی آشیب باره یاتگن لیگی ایتیله دی، بوند آلدین بیر یاش قیز عایله وی قینچیلک لر سبب آقچه اولسواللیگیده اوزی نی آسیب اولدیرگن ایدی.

شونینگ دیک سرپل ولایتی نینگ ایرم حدودلریده قوراللی عصیانچیلر کینگ کولمده موجود بولیب نامعقول عمللر بجره یاتگن لیگی اوشبو ولایت اهالی سی خواطیریگه سبب بولگن.