مدافعه وزیری: کنرده گی طالبان هجومی ارقه سیده انیق بیرمملکت موجود

کنرده طالبان هجوميده هلاک ایتیلگن 21 ملي اردو عسكرلري نينگ جنازه نمازي بير مخصوص مراسم آرقه لي كابلده اوتكزیلدی. افغانستان مدافعه وزیری اوشبو مراسمده ، عسکرلرگه قرشی اویوشتیریلگن هجوم ارقه سیده انیق بیرمملکت موجودلیگینی تیلگه آلدی.

داوودخان حربي کسلخانه سیده اوتكزيلگن عسكرلرنينگ جنازه مراسيميده، قربانلر عايله اعضالري وبیرقنچه یوقاری مرتبه لی دولت خادملری هم اشتراك ايتگن ایدی. جنازه لر کوزیدن یاش توکیب تورگن عایله لرگه تاپشیریلدی. هلاک بولگن عسکرلردن بیری نینگ آته سی:"اوغلیم شهید بولگن احمد حسین،خدا اوزی بیله دی بیز نیمه بیله میز خداوند بیله دی اوزی بیرگن ایدی اوزی بیزدن آلدی شکر تارته من باشقه نیمه چاره بار."

هلاک بولگن عسکرلرنینگ همه سینی عایله سی کابل کیلگن ایمس ایدی. اولرنینگ جسدلرینی هم تیک اوچر لر ارقه لی اصلی منطقه لریگه یتکزیلیشی گه ترتیبات آلیندی.

افغانستان مدافعه وزیری بسم الله محمدی اوشبو مراسمده سوزگه چیقیب طالبان نینگ کنرده گی هجومی ارقه سیده انیق بیر مملکت موجود لیگینی اورغوله دی ، لیکن او هیچ بیر مملکت دن آت توتمی بوندی هجوملر خلق و امنیتی کوچلر اره سیده اعتمادنی کمیتیره آلمی دی دیب فکر بیلدیردی:"اولکه دن مدافعه ایتیش اوچون بوندن کوره ارتیق قان وجان بیریشگه همه میز تیارمیز،دشمنلرتمانیدن تینچلیک بوزیلیشی گه ایزین بیرمیمیز.بیز سیلاولر آستانه سیده میز اولر شوندی هجوملری بیلن مردم ایشانچینی کمیتیریش نیتیده بوندی حادثه لر نه فقط ایشانچنی کمه تیرمیدی بلکه مردم وامنیتی کوچلر اعتمادینی کوچیتیره دی."

افغانستان شرقيده گي كنر ولايتيده اوتگن کون طالبان هجومیده اولديريلگن ملي اردو 21 نفرعسكري نينگ جسدلری كابلگه ييتكزيلگن ایدی. اولرنینگ جسدلری بوگون تیک اوچر لر آرقه لی اصلی منطقه لریگه یتکزیلدی. هرچند اوتمیش لرده هم افغانستان حربیلریگه شوندی تلفات یتکزیلگن ،بیراق بیر حربی قرارگاه ده 21 عسکر نینگ بوندی اولدیریلیشی مثلی کوریلمه گن بیر حادثه دیه توصیف لندی.