افغانستان شمال شرقیده اشدی فکرلر گه ایگه قره کییملی قیزلر

افغانستان شمالشرقیده ینگیدن خاتین قیزلر اوچون ایجاد ایتیلگن مخصوص دینی مدرسه لردن بیری اسلامی رادیکال اندیشه لرنی رواجلنتیریشی خصوصیده خواطرلرنی توغدیرگن.

" اشرف المدارس" ناملی مدرسه مولوی عبدالخالق و مفتی سراج الدین لر تامانیدن تورت ییل آلدین قندوز ولایتیده ایجاد ایتیلگن. حاضرگه قدر6000 قیز طلبه درس کوریب کیلماقده.

بی بی سی قولگه کیريتگن معلومات اساسیده، بو مدرسه ده دین بویيچه درس بیریله دی؛ لیکن درسلر سیاست دن اوزاق بولمه ی، افغانستانده گي عادتي عنعنه وفرهنگ لرگه قرشی بولگن.

بومدرسه ده درس کوره یاتگن طلبه لر رادیو تینگلش، تلویزیون کوریش و صورت آلیش نی حرام بیله دیلر. همده آنه ومعلم لر کونی شونینگ دیک ینگی ییل نینگ نشانلشگه هم قرشی لیک بیلدیریب، شونده ی کونلر بیلن یولگه قوییله دیگن هرقنده ی مراسم نی هم اسلام نقطه ي نظریدن حرام بیليشه دي.

مذکور مدرسه اساسچیلری نینگ ایتیشلریچه، بو مدرسه شعبه سی تخار و بغلان ولایت لریده هم فعال بولگن، یقینده پایتخت کابل داخل افغانستان نینگ توقیز ولایتیده فعال بولیشی گه قرار آلینگن.

قندوز ولایتی ایریم عیال فعاللری بو مدرسه فعالیتی عیاللرنینگ مدنی و اساسی حقلریگه قرشی جدی تهدید دیه فکر بیلدیرگن. خانم گیاه گه کوره، بو مدرسه ده درس کوره دیگن لرغضبچیلر بولگن.

قندوز ولایتی نینگ مدنی جماعه فعاللریگه کوره ، مذکور مدرسه ده درس کوره یاتگن قیزلر قتیق قول عادی بولمه ی واسلام توغریسده گی حاضرگي توشنچه لرگه قرشی دیر. " سین کافر بولدینگ"و "بوحرام" دیگن بو ایککی عباره دن مدرسه شاگردلری باشقه لر مقابلیده بیر حربه صفتیده فایده لنه دیلر.

Image caption خانم گیاه بو مدرسه فعالیتی نی نادولت تشکیلاتلر مطبوعات و مدنی جماعه چیلیک فعاللریگه قرشی جدی تهدید بیله دی

قندوز ولایتی نینگ عیاللر اداره رییسی نادره گیاه مدرسه شاگردلری باره سیده اوز فکرینی شونده ی بیان ایته دی:" بو مکتب ده درس کوره یاتگن قیزلر اوته اوروشقاق بیر مجلس یا مراسم ده باشقه عیاللر بیلن اوريشه دیلر. سین کافر بولدینگ دیدی، نیگه چادر باشینگدن توشدی ؟ نیگه کییه دیگن کیم اسلامی ایمس ویاهم سین نمازنی یخشی بیلمی سن دیگن گپ لر".

ایریم مدنی جماعه فعاللریگه کوره، اوشبو مدرسه ده درس کوره یاتگن قیزلرگه اویدن تشقری ایش قیلیش حرام ایکنلیگی ایتیلیب، همده رادیو و تلویزیون لرگه ایشله یدیگن خاتین قیزلر کافر دیه توشینتیریله دی.

خانم گیاه بو مدرسه فعالیتی نی نادولت تشکیلاتلر مطبوعات و مدنی جماعه چیلیک فعاللریگه قرشی جدی تهدید بیله دی:"

" شونده ی تعلیم رواجلنسه بو قیزلر شونده ی تعلیم کورسه لر همه نی کافر دیب فکر قیلسه باشقه لر ایرکین شکلده ایش قیلیش واجمتاع گه حضور تاپه آلمه یدی."

اما اشرف المدارس مدرسه سی نینگ رییسی مولوی عبدالخالق بو مدرسه نینگ ایجاد ایتیلشدن اساسی مقصد، قیزلرنینگ دینی علم لر و دین تاریخیدن آگاه قیلیش ایکنینی ایتدی:" اسلام باشلنغیچیده مسلمان قیزلر کوپلب دینی فعالیت لر قیلرایدی حتی ایریم اوروش لرده حصه قوشرایدی. بوکبی فعالیت لردن بیز مسلمانلر آرتده قالگنمیز. شو اوچون بیز دینی تعلیم بیریش بویيچه همکارلیک قیلیشنی ایسته دیک، تا افغانستانده گی مسلمان قیزلر قیته دن اوزلرینی غیرت شهامتیگه قول تاپسه."

اشرف المدارس بوندن تورت ییل آلدین شمالشرقیده گي قندوز ولایتیده ایجاد ایتيلگن، لیکن حاضرگه قدرهم رسمی شکلده معارف وزیرلیگی رخصتنامه قولگه كيريتمه گن.