"طالبلر قندهار قماقخانه سی ملازمی یاردمی بیلن قاچگن"

Image caption طالبان گروه نینگ اعضالریدن 12 نفری، قندهار قماقخانه سی ملازم لریدن بیری نینگ یاردمی بیلن قاچیشگه موفق بولگن.

افغانستان حکومتی نینگ یوقاری مرتبه لی ملازمینی بی بی سیگه ایتیشیچه طالبان گروه نینگ اعضالریدن 12 نفری، قندهار قماقخانه سی ملازم لریدن بیری نینگ یاردمی بیلن قاچیشگه موفق بولگن.

اسمینی فاش ایتیشنی خواهله مه گن دولت رسمی سی گه کوره، قندهار قماقخانه سی نینگ لوژستیک اداره سی مسئولی بیرنفر طالبان قوماندان و اونینگ 12 نفریگه قاچیش زمینه سینی یره تگن . بو شخص نینگ اوزی هم طالبان بیلن بیرگه لیکته قاچگن.

افغان ملازمیگه کوره قوماندان داد محمد و بیرنفرهمراهی قاچه یاتگن پیتی افغان خوف سیزلیک کوچلری تمانیدن قولگه کیرتیگن. قندهار ولایتی قماقخانه مسئوللری بو ولایت نینگ ملی خوف سیزلیک خطی گه ته یه نیب قماق ده بولگن 12طالب نی آزاد ایتگن لرینی معلوم قیلگن ایدی. کیین بوخط ساخته قیلینگنی انیقلندی.

قندهار ولایتی نینگ ملی خوف سیزلیک اداره سی باشلیغی رحمت الله اطرافی گه کوره قماقخانه گه بیر خط جونتیلیب بونده 28محبوس قوییب یوباریلیشی طلب قیلینگن.

اوتگن هفته بو ولایت نینگ ملی امنیت اداره سی آدرسیدن بو ولایت قماقخانه سی مسووللریگه خط جونه تیلیب بونده بیر قطار محبوس لری قوییب یوباریلیش بویورغی بیریلگن.

قندهاررسمی لری آزاد ایتیلگن قماقده گی لردن 16کیشی نینگ قماق جزا مدتی تولگنی اوچون قوییب یوباریلگن لرینی ایتگن لر.

اما ملی خوف سی جونتگن بو خطیده ساخته کارلیک قیلینیب خوف لی دیب ایتیلگن اون ایکی طالب هم کیریتیلگن.

قندهار ولایتی رسمی لر 16محبوس نینگ جزا مدتی تولگنی اوچون آزاد ایتیلگنی نی معلوم قیلگن لر.

رسمی لرنینگ ایتیشیچه قماقده گی بو محبوس لردن 12کیشی سی اوز جزا مدتی نی تولدیرمه گنی اوچون آزاد ایتیلمسی کیره ک ایدی.

بو 12کیشی اسمی بو خطگه قنده ی کیریتیلگنی باره سیده تیکشیروو ایشلری دوام ایتماقده .

محلی رسمی لرگه کوره آزاد ایتیلگن طالب لردن ایکی کیشی قیته قولگه آلینگن وقالگن لرینی هم تاپیش اوچون سعی وحرکت یولگه قوییلگن.

قندهارده گی بی بی سی مخبری مامون درانی ملی امنیت ادارسیدن قندهارقماقخانه سیگه جونه تیلگنی نی ایته دی.

"بو حادثه اوتگن سه شنبه یوزبیره دی، بونینگ خبری اوتگن کونی رسانه لرگه چیقدی، محلی رسمی لر بیلن بو باره صحبت قیلگنیمده، رسمی لر ملی امنیت دن کیلگن خط گه اساسله نیب جزا مدتی تولگن اون آلتی کیشی نی قوییب یوبارگن لرینی ایته دیلر، بولرکیم لیگی حاضرچه انیق ایمس، وبوخطده باشقه 12کیشی اسمی هم کیریتلگن بولرطالب لرنی اعضاسی بولگن" دییدی مامون درانی

اونگه کوره موجود گزارش لر اساسیده آزاد ایتیلگن لر نینگ بیر قطاری طالب لرنینگ قوماندانی قاری منیب صفداش لری بولیب بوندن آلدین ملی خوف سیزلیک اولرنی قولگه آلینیشی نی کته یوتوق دیب بهاله گن ایدی.

قاری منیب قندهار قماقخانه سیده گی محبوس لردن بیری بولیب اوتگن ییلی بو قماقخانه دن قوییب یوباریلگن ایدی قیته طالب لرصفیگه قوشیلگنی ایتیله دی.

زندانیان از زندان قندهار تاکنون دوبار به صورت دسته جمعی فرار کرده اند و یک بار هم از سوی طالبان به این زندان حمله شده بود.

قندهار قماقخانه سیده گی محبوس لر حاضرگچه ایگی مرته بوتونلی قماقخانه دن قاچگن دیلر

حاضرگه قدر طالب لربو واقعه بارسیده هیچ قنده ی مناسبت بیلدیرمه گن لر.